ARHIVSKI VJESNIK 28. (ZAGREB, 1986.)

Strana - 33

Winfried Schulze, Novi izvori za povijest slavonske seljačke bune 1573. Arhivski vjesnik, 28/1985. str. 7—44. der fürgenombnen gegenwehr, die zwar mit unversehner eill beschehen müssen, nit sobald gefasst gewest, unnd inen den pauren nur noch etlich wenig tag luffts gelassen worden, das sy ires vermainens ain zimbliche ferre raiß fur sich genomben. Die benachparten in der nähent unnd weit auch haimbgesucht, ain durch unnd durch geenden pauernpund wie etwa hievor auch beschehen, angericht unnd sich also, da es inen solcher gestalt gelungen, von aller dienstparkhait ledig gemacht haben wolten. Also das gleich zeit gewest, disem feuer, ehe es gar zu weit überhannd genumben, zubegegnen. Doch wellen wir unns zu E. L. nochmalen anders nichts versehen, als das sy unns auf dergleichen und anndere notfäll mer mit irer hilflichen handreichung yedesmals nit verlassen, sonder alzeit aufs müglichste zuespringen werden. Wie sich dann E. L. zu unns nichts anders als gleichformbiger erzaigung nach eüssteristem unserm vermügen bestendiglichen versehen sollen. Unnd E. L. bleiben wir mit allen sünichen hulden, müglichsten diennsten und treuen gannz aigen. Geben in unserer stat Graz den vierzehenten februarij Anno im dreyundsibenszigsten. Carl von Gottes gnaden erzherzog zu Österreich herzog zu burgundi unnd grave zu Tyrol Carolus Original s vlastoručnim potpisom Br. 17 1573, veljača, 26. München Bavarski vojvoda Albrecht piše nadvojvodi Karlu da je s radošću primio vijesti o ugušivanju seljačke bune. Nada se da će i preostale pobunjenike dostići zaslužena kazna. Freundlicher lieber vetter und son, uns ist E. L. verners schreiben under dem dato Grätz den 14. die gotlose aufruerer betreffend on gestern abends wolgeantwurt worden. Daraus wir dann mit sondern freuden vernommen, das etlich darselben und nit der weniger theyl auf E. L. ir vil furgenommene gegenrüstung mit hilff des allmechtigen alberayterlegt und das angezindt feur Got lob sovil gedempft und gelescht sey, das zu hoffen, die noch übrigen werden iren verdienten Ion nun mer auch entpfangen und E. L. hiedurch ire furstenthum und lande gentzlich wider gestillt und zu gueter bestendiger rhue gebracht haben. Als wirs dann E. L. vatterlich wol vergönnen und uns dessen mit E. L. hertziglich erfreuen und darumben auch Gott seiner augenscheinlichen hilff billich hohen und grossen dankh sagen. Und ist zwar der hierinn von E. L. angewendte ernst und vleis nit wenig zu rhuemen daneben auch mit E. L. nit ein gering mitleiden zu tragen, da wieder sy ein solche gfar und sorg, mhue und last auf sich 3 Arhivski vjesnik 33