ARHIVSKI VJESNIK 28. (ZAGREB, 1986.)

Strana - 30

Winfried Schulze, Novi izvori za povijest slavonske seljačke bune 1573. Arhivski vjesnik, 28/1985. str. 7—44. eillents bei tag und nacht denen von Crain und Cärnten dise auf[ruhr] zueschreib, damit sy zu roß unnd fueß ire aufpot gen lassen. Denen von Crain die statt Feistritz und dennen von Khärndten die statt Windischgräz dahin zukhommen bevelhen. Inn disem lanndt geet das aufpot zu roß und fueß und sollen inner 8 tagen, das ist der 14. dits halbs aufpot zu Marburg und halbs zu Leibenitz zusamen khumen, ist 4 meil von einander wegen der profandt fürgesehen. Der lanndtskhnecht halben is den gemein pauersman nit zuvertrauen auch nit aufgemandt, sonder in allen Stetten handtwerchsvolkh anzunemen bevohlen worden. So hat man I. Mt. den handl zugeschriben, weil der aufrur von I. Mt. lannden her entsprungen, unnd nun mer denen lannden zu grossen schaden geraicht umb gnedigist hilff unnd aufmanen derselben ortten landtvolkhs pitten, damit ist einer von Zelkhing unnd in Khärndten herr David Ungnadt abgefertigt worden. Gleich in diser stundt khumbt ain schreiben, das herr Joseff von Turn nagsten freitag vor den flekhen Gurkhfeldt der pauern hauffen ainen antroffen, dieselben mit seinen hußrockhen, so ein volkh ist dz von turgkhen herüber entsprungen und uns an der granizen dhienen thuet. Dar er herr von Turm sambt andern volkh gefuert in die pauern gesezt und denselbigen hauffen geschlagen, davon man etliche rädlfuerer gefangen gen Graz geschickht und als morgen dieselbige gespisst solten werden. Dagegen haben wir gar gueter redlicher mannen zwen verlorn, den haubtman von Wihitsch und von Mitterbud erschossen haben. Sie haben biß dato vill pergheuser eingen und den tag ain closster genannt Geyrach erobert und anyezo vor Mansperg ligen thuen. So schreibt auch der herr Kisl das die paurn unter ain geschloß pollnstein genant gelegen daselbst undter einander unainig worden, ire haubtleuth zum thail gar wol abgeschwiert, das zu verhoffen das iro khrieg palt sich enden wiert. Unnd an diser aufruer alle ist Tei Ferenz ursacher, der mit disen pauren wol drei jar lang vor I. Mt. in zwitracht gestanden, der gleichwol mit inen grausamb tieranisiert hat und über gemachten friedt, ainen pauren schlaffen, den andern über das geschloß anhenckhen lassen. Das sein die principaln dises entstandten khriegs. Prijepis Br. 15 1573, veljača, 17, München Bavarski vojvoda Albrecht naređuje crkvenim vlastima i upraviteljima vlastelinstava da zbog bune u Kranjskoj i Štajerskoj vode računa da seljaci ne održavaju tajne sastanke, te nadziru kretanje i djelovanje svih sumnjivih osoba. Lieber getreuer, unns langt von glaubhafften anschlichen ortten an, wie sich in Crain unnd Steymarkh ein zimblich grosse anzall rebellischer 30