ARHIVSKI VJESNIK 21-22. (ZAGREB, 1978-1979.)

Strana - 252

1417. Reverendo vicario pro tempore sub formali precepto mandatur, ut quam primum incarceret fratrem Donatum de Ragusio ad inquirendum et processandum. (Eadem die). 1418. Frater Bernardus de Chaboga Ragusinus removetur de quocumque conventu et assignatur in conventu seu loco Sancti Nicolai Insulae de Medio precipiendo sub pena gravioris culpae, ut quam primum illuc vadat et stet quousque per reverendissimum inde removeatur. Ragusii, 11 septembris. 1419. Frater Augustinus de Bobalio Ragusinus removetur de quocumque conventu et assignatur in conventu Sancti Dominici de Ragusio cum omnibus gratiis. (Eadem die). 1420. Sororibus monasterii de Ragusio Sancti Michaelis concessum est, ut possint bis in anno confiteri alteri, quern reverendus vicarius et prior Ragusinus dederint, prêter suum ordinarium confessorem, qui faciet generalem absolutionem. Ragusii, 12 septembris. 1421. Soror Maria, priorissa dicti monasterii, decernitur, quod non possit astringi ad acceptandum et exercendum officium priorissae aut suppriorissae. (Eadem die). 1422. Nobilis dominus Joannes Marini Gothas per patentes in pergameno instituitur procurator generalis cum auctoritate solita dari et recipitur ad bénéficia ordinis cum tota familia. (Eadem die). 1423. Reverendo vicario, priori Sancti Dominici, priorissae et matribus monasterii Sancti Michaelis de Ragusio in meritum sanctae obedientiae et sub pena gravioris culpae, quam ipso facto contrafacientes incurrant, (mandatur), ut infra mensem a notifia suarum litterarum habeant reficere rotam, ita quod nullatenus tangi vel videri possit quidquid ab intus ab his, qui stant extra. Similiter et crates confessionarii et sacristiae apponatur tela nigra affixa lignis in extremitatibus ad mensuram fenestrae ita quod nullatenus ab intus et extra colligentes possint se invicem videri. Poterit tamen priorissa illam aperire aliquotiens in anno, quando mater vel germanae aut consanguineae voluerint cum aliqua sorore loqui, si oportuerit. Ragusii, 13 septembris. [f. 218v] 1424. Attestatur per litteras ordinasse et mandasse fratribus istius congregationis, presertim Insulae de Medio, ut pro quolibet anno teneantur celebrare triginta unam missas in quadam capella situata in uno scopulo nuncupato Ruta (!), et alias 31 missas similiter annuatim in capella Giupanae nobilis Francisei de Caboga Ragusini, prout acceptarunt dicti fratres vigore cuiusdam instrumenti, dum acceptarent dictum scopulum, alioquin sub pena amittendi dictum scopulum et amittendi omnia iura contenta in ipso instrumente contento in libro Diversorum notariae Ragusinae de 1536, die 1 iunii, carta 18. Ragusii, 13 septembris. 1425. Attestatur per litteras ordinasse et de novo mandat fratribus congregationis, presertim conventus Gravosiae, ut qualibet (h)ebdomada teneantur dicere tres missas in capella domini Bernardi de Bona Ragusini, alioquin censeantur et sint privati emolumento 24 perperorum monetae Ragusinae, quod recipiunt annuatim a thesaurariis Sanctae Mariae vel a quavis alia persona pro celebratione dictarum missarum. (Eadem die). 1426. Reverendus dominus episcopus Tribunensis et Mercanensis frater Thomas Cervina (!) de Ragusio per patentes decernitur gaudere gratiis tam in vita quam in morte cum facultate accipiendi et detinendi secum tot fratres sive clericos, sive conversos, quot sibi visum fuerit, petita licentia a suis prelatis, licet non obtenta. Ragusii, 14. septembris. 252