ARHIVSKI VJESNIK 19-20. (ZAGREB, 1976-1977.)
Strana - 231
Expositum est nobis in persona spectabilis et magnifici domini comitis Nicolai perpetui de Zrinyo et comitatus Zaladiensis comitis: Qualiter in anno Domini millesimo sexcentesimo decimo, feria tertia proxima post Dominicam Quasi modo transacto praeterito in generali Congregatione istius Regni Sclavoniae in civitate Montis Graecensis Zagrabiensis per vos unanimi voto celebrata, honorabile Capitulum Ecclesiae Zagrabiensis, per modum quaerelae proposuisset, quemadmodum providi incolae possessionis ipsorum Kraliocz vocatae in comitatu Zagrabiensi existentis, qui superioribus temporibus ad bona et iurisdictionem dicti domini exponentis legitime ablicentiati commigrare voluissent per hocque a fidelitate eiusdem Capituli defecissent et exorbitassent ac forte haberentur ex dominis regnicolis aliqui vel instigatores vel consultores, quorum consilio fraeti malitiam vel simile quid attentare praesummerent petentes eosdem subditos suos per modum proscriptionis in bonis quorumcunque dominorum et nobilium prosequi. Tunc eo audito egregius Ioannes Budor de Budrocz ablegatus et familiaris eiusdem domini exponentis in persona eiusdem domini sui de medio aliorum in conspectum vestrum exurgentium, solemniter protestatus fuisset: quod iidem incolae Kraloczyenses essent sub ablicentiatione causaque eorundem super ablicentiatione in sede vicebanali mota et vertens in prohibita de lege istius Regni vestri Sclavoniae admitti solita penderet, penes quam prohibitam errorem in processu causae quoquomodo commissum, iuridice idem dominus exponens emendari facere vellet. Qua protestatione facta idem Ioannes Budor, nomine cuius supra, a vobis instanter postulasset ut hanc protestationem Articulis inserere et de ulterioris causae eiusdem prosecutione penes ipsam prohibitam fienda, unanimi voto tractare et concludere velletis vosque ad postulationem ipsius statuissetis et salvassetis ac in vigore ipsum processum ablicentationis reliquissetis tiliter, ut errorem et defectum Sedis vicebanalis emendet et corrigat. Etsi autem vos in Prothocolo hanc causae salvationem inseri fecissetis, tarnen quod protestatio subsecuta et causa penderet in prohibita et deberet emendari in libro Regni inscribi omissum esset. Unde quia praefatus dominus exponens diligenti et accurata superinde recognitione vestra litterisque vestris superinde recognitionalibus ad praesens summe indigeret essetque necessarium. Requisiti itaque sumus superinde nomine et in persona praefati domini exponentis débita cum instantia, ut nos eidem circa praemissa de oportuno et condigno iuris remedio provideremus seriemque praescriptae protestationis per vos diligenter et accurate in memoriam vestram revocandam et recognoscendam ac in Prothocolum seu librum dicti Regni Sclavoniae inserendam et nihilominus litteras superinde recognitionales eidem domino exponenti per vos suo modo extradandas iniungeremus. Cum autem iusta petenda non sit denegandus assensus et alioquin memoria rerum gestarum facile oblitteraretur nisi litterarum etiam praesidio fulciatur, pro eo vos harum série hortamur et requirimus atque authoritate nostra Palatinali, qua pleno iure fungimur vobis committimus et mandamus quatenus acceptis praesentibus et praemissis sic, ut praefertur stantibus et se habentibus, vos seriem praescriptae protestationis per antelatum Ioannem Budor modo quo supra coram vobis factae et in librum seu Prothocolum dicti Regni Sclavoniae inseri omissae, diligenter et accurate in memoriam vestram revocare et fideliter recognoscere ac tandem in librum seu Prothocolum dicti Regni Sclavoniae inseri et inscribi facere et nihilominus quoque litteras vestras superinde recognitionales praefato domino exponenti iurium suorum futuram ad cautelam necessarias sub sigillo praescripti Regni Sclavoniae authentico suo modo extradare 231
