ARHIVSKI VJESNIK 17-18. (ZAGREB, 1974-1975.)

Strana - 46

priuado delà nostra schuola et mai sia remisso se prima el non paga liure cinque in bursa dispensatoria. Item cadaun officiai, como de sora, che andase fuor delà cita in condato debia lasar in suo luogo uno fradelo del numero de .CX. a exercitar el suo officio, suto pena de soldi .XX. de pizoli, al modo como de sora. Item qualuncha officiai dei sora diti non uegnisi a exercitar el so officio ogni zorno deputado esendo in la cita, debia pagar soldi diexi per cadauna uolta cum la pena del dopio. E de questo capitolo sia executori i nostri superiori per nome de tuta la nostra schola. Como cadaun chi va fora delà cita debia meter suo tauolela in busulo. Capitolo .XXVIIII. Uolemo che cadaun nostro fradelo del numero de .CX. quando andasi fuor delà cita de Sibenico o in contado o fuor del contado per star piu de do mexe, cadaun, soto pena de soldi .IUI. de pizoli per cadauna uolta, debia leuar o far leuar dal cancelo del guardian la sua tauolela del spoiar e uestir et farla meter in busulo fina sua tornada del uiazo, et tornado che sera da quel uiazo, suto pena quela propia de soldi .IUI. ch' el primo di ordinado che seguira la dita tauolela, debia trar o far trar dal busulo et meter sul cancelo, et tuto questo a cagion ch' el guardian posa far ordinarie el suo officio e le suo puntadure. Item qualuncha fradelo del numero de .CX. andase con le suo masaricie fuor delà cita de Sibenico per residencia in un altra cita per piu de uno anno, in suo luogo sia asumpto et tolto un altro fradelo. E si per algun tempo el retornase per stancia a Sibenico, sia remiso in la nostra schuola nel primo luogo uacuo che se atrouase illo instante, non estante altro ordene delà nostra mariegola cenca alguna condicion, con questo pagando lui ala nostra schuola tute le sue puntadure che se trouara debitor dal di che se auera absentado delà cita de Sibenico perfina a quel di che sera remisso. Como i procuradori nele congregacion debia inponer silencio. Capitolo .XXX. Uolemo che in tuta la nostra congregacion ouer capitoli che la nostra schuola uxa a far, i nostri prochuradori debia inponer silencio e nigun parlar cenca loro licencia e cadaun disobediente condenar per cadauna uolta soldi .II. Item cadaun fradelo, tanto nobele quanto innobele, se partise delà congregacion ouer capitolo cenca licencia dei diti prochuradori, per cadauna uolta debia pagar soldi .IUI. de p(icoli), excepto chaso licito. Che nigun eletor non debia reuelar la elecion de officiali noui. Capitolo .XXXl. Multe uolte per non eser celade le elecion dei nostri officiali noui, nassi multi scandali et maliuolencie et per ouiar quele, volemo che nigun dei eletori non debia far noticia a niguna persona di che condicion se sia auanti el zorno delà pronunciacion ordinata, soto pena d'eser priuado delà nostra schuola e mai piu remisso nullo modo. 46