ARHIVSKI VJESNIK 17-18. (ZAGREB, 1974-1975.)

Strana - 35

schonzuro cadaun fradelo che qui al presente se troua per el sacramento che a fato a Dio et a questa schuola, cadaun stia atento et examina la soa consiencia et diga la pura uerita de quel che cognose, de uera siencia diga, non per amicicia, non per inimicicia, non per beniuolencia, non per maliuolencia, ma con bona consiencia et uerita si nigun de queli sora nominadi fusi in algun dei soto scriti defeti. Uxo o compreso chiaramente sia puplicato el suo defeto et narato acoche (!) a lui sia a municion ch'el uiua santamente secondo i ordini dela santa mare (!) ecclesia. I defeti sono questi: Et primo se nigun cognosi algun dei sora nominadi el e hereticho, item s'el fusi scomunigado puplico, item si biastimasse Dio ouer i suoi santi, item s'el non uxa la santa confession e comunion una uolta al anno, item s'el fussi omicidial deliberatiuo, item s'el batise so padre ouer so mare o i soii compari de san Zuane, item s'el fusse concubinario puplico auendo suo matrimonio, item s'el fusse zogadur puplico de catiua condicion, item s'el fusse fradelo in un altra schuola che se uestisse, item s'el fusse priuado de un altra schuola ouer se lui proprio se priuasse, item s'el fusse scandaloxo a seminar discordie e maliuolencie. Se in alguna de queste et in ogni altra simile catiuita fosi algun dei sora nominadi per la qual el non fosi digno algun de queli intrar in la nostra schuola, cadaun debia dir et non tazer. Che pena a quelui che infamasse algun in la examinations Capitolo .V. Uolemo che si algun nostro fradelo del numero de cento e diexe fusse de tanta iniquità che iniustamente contradicesse e quel inculpase, diffamasse puplico a tuta la congregacion alguna persona che intendi intrar in la nostra schuola in algun defeto che se contien in el capitolo quarto dela examinacion e per algun tempo fusse cognosudo chiaramente che per iniquità, maliuolencia et inimicicia a uxado dir buxie a chazon che quela persona deuota non sia tolto per nostro fradelo, volemo per exempio de altri azio che cadaun uxa dir la verità, quel busardo e maldicente sia priuado dela nostra schuola. Ch'el nome de nigun de numero de .CX. che fosse assumpto per zentilomo non sia transferido. Capitolo .VI. Uolemo che quando a caxo ocurisse che per el spectatissimo consiglio de Sibenico fusse asumpto e tolto algun dei nostri fradeli del numero de cento e dièxe per zentilhomo de Sibenico, el nome de quel tal fradelo essendo già scrito in el numero de cento e diexe, nullo modo quel nome possa esser difendo ne translatado nel numero dei nobeli, anci totalmente la soa uita finir nela condicion dei fradeli del numero de cento e diexe. E si da può la soa morte algun so fiol uolese intrar in luogo del suo padre a eser nostro fradelo del numero de cento e diexe, quel tal fiol nullo modo in luogo dèi so padre sia acetado per nostro fradelo del numero de cento e diexe, ma totalmente sia acetado nel numero dei nobeli ala condicion dei nobeli secondo la continencia del capitolo .Vili, dei nobeli. Simili modo tuti i preti secularf, fioli deli nostri fradeli del numero cento e diexe, sia tolti e acetadi nel numero dei nobeli corno dito e. 35