ARHIVSKI VJESNIK 17-18. (ZAGREB, 1974-1975.)

Strana - 229

712. Frater Jacobus de Jadra conventus Spalatini fit prior predicti conventus et absolvitur quicumque alius interea institutus. Die 26 iulii. 713. Idem potest absolvi a suis peccatis quatuor in anno et de bonis suis potest dispenssare in ordine, quibus sibi placuerit. Et conceditur sibi in socium frater Andreas de Tragurio etc. Die eodem. 714. Frater Albertus de Ragusio fit prior Bichachii et absolvitur omnis alius interea factus. Die eodem. 715. Frater Daniel de Jadra, pro nunc prior conventus Jadre, absolvitur a prioratu et fit vicarius electionis frater Georgius bachallarius et in defectum frater Lucas Spingarolich, ambo de Jadra Die eodem. 716. Frater Nicolaus de Catharo, conversus, potest stare in observantia Lombardie, si eum illi patres recipere voluerint. Die 17 septembris. [1493] 717. Mandatur priori et patribus conventus Jadre sub (pena) suspensionis ab officiis eorum et a divinis, quatenus in termino trium dierum debeant satisfecisse fratri Vito de Jadra de expensis factis pro medicinis et aliis etc. Die 15 ianuarii 1493, Venetiis. 718. Conceditur prefato fratri Vito, ut possit petere elemosinas etc. Die eadem. 719. Frater Donatus de Jadra assignatur in conventu Sancte Crucis de Tragurio. Die eadem. 720. Mandatur priorisse monasterii Sancti Demetrii de Jadra, ut non permittat sorori Margarite de Begna loqui cum aliqua persona ordini non subiecta nec cum fratre carnali sine socia; et sibi precipitur sub pena carceris, ut non vadat ad gradam absque licentia priorisse et cum socia sibi data. Contrafaciendo carceribus deputetur et liberari non possit sine consensu reverendissimi magistri ordinis. Die februaru (!) 721. Magister Lucas de Jadra fuit per magistrum ordinis Venetias vocatus pro disposicione capituli provincialis. Et potest moderare acta capituli generalis Cenomanis celebrati de ingressu feminarum ad monasterium, pro cribracione etc. Et potest interpretare literas etc. Die 8 februaru, Venetiis. 722. Frater Nicolaus de Novo confirmatur in priorem conventus Dyrachiensi cum auctoritate plenaria. Et precipitur fratribus, ut sibi obediant sub pena exeomunicationis etc. Die eadem. 723. Frater Johannes Corpojolo de Jadra restituitur ad gratias ordinis. Die eadem. 724. Mandatur magistro Theodoro sub exeomunicationis et privationis gratiarum ordinis ac vocis active et passive, ut solvat contributiones vicario generali et fratri Georgio de Sibinico, olim provinciali. Die eadem. 725. Frater Johannes de Jadra, bachallarius, licentiatur ad magisterium. Die eadem. 726. Frater Martinus de Jadra habet licentiam standi extra ordinem. Die 8 marcii, Venetiis. 727. Fratri Luce Spingarolich de Jadra precipitur, ut audiat confessiones sororum monasterii Sancti Demetrii de Jadra. Die eadem. 229