ARHIVSKI VJESNIK 17-18. (ZAGREB, 1974-1975.)
Strana - 220
603. Mandatur priori sive presidenti pro tempore conventus Jadrensis sub pena gravioris culpe et pena absolutionis ab officio, quod ad expensas et requisitionem monialium monasterii Sancte Clare Nonensis civitatis faciat fieri transsumptum per manum notarii cuisdam privilegii dicti monasterii, quod habetur in prefato conventu Jadrensi. Venetiis, eodem die. 604. Conceditur vicario et patribus conventuum reformatorum, quod singulis annis possint congregare fratres et facere capitulum ibique ordinationes instituere, quemadmodum in capitulis provincialibus fit; et quod vagi fratrum discursus ammoveant, eis precipitur; et conceditur eis, ymmo mandatur, quod graduati insufficientes et per saltum non recipiantur pro graduatis; et conceditur eis, quod possint interpretari literas magistrorum generalium fratribus sibi subditis concessas in detrimentum et dampnum congregationis; et precipitur eis quod in quolibet conventu instituant magistrum grammatice, qui iuvenes aptos instruere debet; et quod nullus promoveatur ad sacros ordines nisi primo grammaticam sciverit etc. Rome, 15 aprilis. 168 605. Conceditur priorisse et monialibus monasterii Sancti Michaelis de Ragusio, quod singulis annis tempore extivo possint se transferre ad monasterium sive domum Sancte Marie de Malfo, quousque de ilio monasterio eis pro visum fuerit; et quod possint eligere confessores ad libitum sine contradictione etc; et quod nullus se intromictere possit de rebus suis temporalibus sine earum consensu; et quod nullus priorissam sine mea licentia absolvere possit etc. Eodem die. 606. Conceditur fratri Johanni de Maleda, quod possit extra ordinem commorari etc., et servire ecclesiis etc. Rome, 17 aprilis. 607. Frater Daniel conventus Jadrensis legiptimatur et habilitatur ad gradus et officia. Rome, 28 maii. 608. Dirigitur litera priori provinciali in qua absolvuntur omnes vicarii nationum sive quorumcumque conventuum per magistrum reverendissimum istituti et facti et confirmantur omnia gesta per commissarios magistri reverendissimi circa vicariatum conventuum vite regularis; et tota provincia subicitur provinciali hac lege, ut conventus vite regularis in eodem rigore observantie conserventur. Rome, 29 maii. 609. Dirigitur litera priori provinciali et presidentibus ceteris Provincie in qua frater Vincentius de Andreis de Tragurio restituitur ad gratias ordinis et conceditur sibi quod possit uti omnibus privilegiis a magistro generali sibi indultis ex eo, quod purgavit se de infamia. Non obstantibus etc. Rome, 30 maii. 610. Frater Salvator de Lesina fit vicarius generalis conventus Lesine, (Sancte) Crucis de Tragurio, Sancti Nicolai de Catharo et super ilium qui noviter hedificatur, hac lege, ut contributiones provinciali pro tempore solvant et recipiant cum honore apud se declinantem. Rome, 5 iunii. 611. Frater Paulus conventus Spalatini assignatur in quocumque conventu sibi grato, dummodo prior illius conventus, quem duxerit eligendum, eum recipere voluerit. Rome, 9 iunii. »63 ovo pismo u cjelosti donosi S. Cerva, Monumenta congregationis S. Dominici de Ragusio Ordinis Fratrum Praedicatorum (rukopis u knjižnici dominikanskog samostana u Dubrovniku), III, str. 100. 220
