ARHIVSKI VJESNIK 17-18. (ZAGREB, 1974-1975.)

Strana - 212

Barnabas Sansoni (1486) Provincia Dalmatiae [1486] 515. Magister Theodorus de Dirachio, provincialis, instituitur vicarius generalis super omnibus conventibus reformatis Provincie Dalmatie cum auctoritate omnia faciendi, que magister ordinis posset pro conservatione vite regularis. Et mandatur omnibus presidentibus ac fratribus et sororibus universis sub excomunicatione late sententie, ut omnes contributiones iuxta antiquam consuetudinem dicto provinciali solvant. Et nullus etc. Ullis non obstantibus. Venetiis, die 4 iulii 1486. [7, f. 156r] 516. Frater Nicolaus de Lexina conventus Sancti Marci assignatur studens theologie Senis. Venetiis, ut supra. 517. Frater Johannes de Jadra assignatur Ferrarie baccalarius pro tertio anno. Venetiis, ut supra. 518. Frater Vincentius de Andreis de Tragurio absolvitur a vicariatu conventuum reformatorum Provincie Dalmatie, non obstante brevi apostolico sibi concesso, quia omnia ponit in potestate magistri ordinis. Venetiis, ut supra. 519. Moniales Sancte Marie de Angelis de Ragusio possunt sibi eligere confessorem de ordine, qui eas auctoritate magistri ordinis audiat et absolvat quotiens etc. Venetiis, ut supra. 520. Eedem possunt tempore pestis exire monasterium, quod est intra civitatem et habitare in monasterio, quod est extra sub clausura, quousque monasterium interius dilatetur. Et nullus etc. Ut supra. 521. Conventus Ragusinus, quia non admititur in capitulis provincialibus Provincie, liberatur ab omni onere contributionum Provincie et tantum tres ducatos annuatim pro contributionibus magistri ordinis, procuratoris et provincialis solvere obligatur, secundum quod cum provinciali convenit, que etiam conventio confirmatur. Et nullus etc. Non obstantibus. Venetiis, ut supra. 522. Frater Johannes de Pago conventus Sancti Antonii potest cum uno socio accedere ad predicandum ubicumque fuerit requisitus et stare in conventibus nostri ordinis. Et nullus etc. Non obstantibus etc. Ut supra. 523. Frater Franciscus de Spaleto assignatur in conventu Esinensi et potest celebrare extra conventum in Sancto Rocho; et in casu quo conventus gravaretur, possit idem extra conventum sibi providere, nec prior possit eum molestare. Et potest confessiones audire, elemosinas petere etc. Venetiis, ut supra. 524. Frater Petrus Radonici potest stare extra ordinem et omnia facere, que honestati etc., et ecclesias etc., et bis in anno absolvi plenarie a fratribus ordinis etc. Et nullus etc. Non obstantibus etc. Venetiis, ut supra. 525. Fratri Martino de Sibinico mandatur sub excomunicatione late sententie, ut infra tres dies a notitia pecunias, quas debet fratri Jacobo de Tragurio et expensas, pro illis factas ab ilio, eidem solvat, alias ex nunc denuntiatur excomunicatus et nullus potest eum absolvere. Et mandatur priori conventus, ubi fuerit, sub absolutione, quam ipso facto contrafaciens incurrat, ut ipsum ad solvendum cogat vel ad componendum inter se. Venetiis, ut supra. 526. Frater Nicolaus de Brachia fit filius nativus conventus Sibenici. Non obstantibus etc. Ut supra. 212