ARHIVSKI VJESNIK 17-18. (ZAGREB, 1974-1975.)

Strana - 184

221. Frater Goergius de Allegretis, prior conventus Jadrensis, fuit factus vicarius monasterii Sancti Demetrii cum plenitudine potestatis, etiam mutandi officialis et absolvendi et visitandi monasterium. Et precipitur sororibus et fratribus, quod sibi obediant ut vicario legitimo. Et rebelles potest punire etiam invocando auxilio brachii secularis. Et precipitur omnibus fratribus ordinis sub pena gravisoris culpe et carceris, a qua non possit absolvi nec restituì nisi a magistro ordinis vel a dicto vicario, quod nullus vadat ad dictum monasterium sine licentia dicti vicarii petita et obtenta. Removetur et absolvitur omnis alius vicarius et confessor dicti monasterii. Et nullus inferior possit impedire dictum fratrem Georgium in conventu et prioratu suo vel in vicariatu dicti monasterii, sub pena transgressoribus precepti debita. Datum Rome, 5 decembris 1475. [f. 213v] 222. Frater Gregorius Gregorii fuit assignatus in suo conventu Jadrensi. Datum Rome, 5 decembris. 223. Frater Antonius de Pagho fuit assignatus in suo conventu Sancti Antonii de Pagho, a quo non potest amoveri per provincialem vel alium; et ibi assignatur cum gratiis patrum. Datum Rome, 5 decembris. 224. Frater Lucas Spingarolich, qui dicitur habere germanum captum ab infidelibus, habet licentiam standi extra ordinem et officiandi ecclesias et capellas. De elemosinis et bonis acquisitis et acquirendis potest disponere intra ordinem. Nullus inferior, nisi reverendissimo vel delicto. Datum Rome, 5 decembris. 225. Frater Lucas Spatarius fuit assignatus in suo conventu Jadrensi et absolvitur a pena gravioris culpe in qua fuerit positus per provincialem et restitutus ad omnes gratias ordinis; et si in hoc provincialis senserit se gravatum, tunc constituitur iudex frater Georgius, prior Jadrensis, inter provincialem et dictum fratrem Lucam; et etiam fit iudex in causa quatuor ducatorum, quod pretendit frater Lucas deberet habere a conventu Sancti Antonii de Pagho et quod per dictum iudicem fuerint (!) sententiata, executioni mandatur. Datum Rome, 5 decembris. 226. Prior Farensi et omnibus presidentibus provincie Dalmatie precipitur, quod precipiant sub censuris et penis fratri Germano de Placentia, quod infra octo dies veniat ad magistrum purgaturus se de multis criminibus quibus infamatur; alias, si in provincia Dalmatie post dies octo fuerit receptus, carceri mancipetur nec relaxatur sine licentia magistri; et presidentes, si in hoc fuerint negligentes, penam gravioris culpe et absolutionis ab officiis suis incurrant. Datum Rome, 11 decembris. 227. Priori et fratribus presentibus et futuris conventus Sancte Crucis de Tragurio precipitur sub pena gravioris culpe, absolutionis ab officiis et excomunicationis late sententie, quod de cetero non vendant neque alienent, neque commodent extra conventum libros, quos reliquit conventui dominus Fantinus de Valle de Tragurio, auditor Rote,

89 neque libros alios bibliothece dicti conventus, alius non possint absolvi nisi a magistro ordinis, preterquam in mortis articulo. Et nullus inferior hoc mutet. Datum Rome, 29 decembris. 89 Lucio G., Memorie istoriche di Tragurio ora detto Trau, Venetia 1674, str. 527—8; Gliubich S., Dizionario biografico, str. 100—1; Ferrari Cupilli G., Biografie e necrologie d'illustri e benemeriti Dalmati, Zara 1874, str. 15; Kukuljević Sakcinski I., Marko Marulià i njegovo doba, Stari pisci hrvatski, knj. I, JAZU, Zagreb 1869, str. XXXIV; Andreis F., Storia della città di Trail, Spljet 1909, str. 319. 184