ARHIVSKI VJESNIK 17-18. (ZAGREB, 1974-1975.)
Strana - 180
178. Frater Johannes de Segnia fuit translatus de conventu Sancte Crucis de Tragurio ad conventum Sancti Nicolai de Segnia interveniente consensu maioris partis fratrum conventus de Segnia, in quo conventu assignatus fuit. Et nullus inferior molestet. Datum Rome, 13 maii. 179. Frater Lucas Junii de Ragusio, dyaconus, fuit assignatus in studentem artium in conventu Perusino cum gratiis consuetis. Datum Rome, 13 maii. 180. Frater Angelus de Ragusio habuit licentiam ire ad aliquam ex provinciis Italie cum uno socio sibi grato in aliquo conventu sibi grato una cum uno socio, ubi ex nunc assignatur interveniente consensu presidentis huiusmodi conventus. Nullus molestet sub pena delicti precepti transgressoribus. Datum Rome, 16 maii. 181. Frater Martinus Nicolai de Bona de Ragusio fuit assignatus in studentem theologie pro rata sue Provincie in conventu Sancti Dominici de Neapoli cum gratiis consuetis, in quo conventu fuit etiam assignatus per Romanum generale capitulum. Datum Rome, 16 maii 1475. [f. 211v] 182. Frater Johannes de Tragurio, qui habet in ordine ultra quinquaginta annos, fuit assignatus in suo conventu Sancte Crucis de Tragurio a quo non potest amoveri ab aliquo inferiore. Et fuit factus iubilarius et exemptus ab omni officio chori et claustri. Et mandatur priori conventus et omnibus presidentibus, quod in premissis eum non molestent. Contrafacientes ipsum ab eorum officiis sint absoluti. Et possit eligere confessorem, qui eum absolvat ab omnibus, a quibus reverendissimus magister. Et confirmantur sibi omnes grafie magistri Martialis. Nullus inferior impediat sub pena transgressoribus precepti tributa. Nullis obstantibus. Datum Rome, 27 maii. 183. Frater Baptista Johannis de Ragusio 78 fuit assignatus in conventu Sancti Marci de Lesina. Datum Rome die 29 mensis maii. 184. Fratri Antonio de Dyrachio fuerunt confirmate grafie sibi a Martiali 79 concesse, scilicet quod tenet pater de Consilio et omnes alie grafie. Nullus inferior impediat sub pena transgressoribus precepti debita. Datum Rome, 29 maii. 185. Magistro Donato, provinciali, mandatur quod procedat ad reparationem et reformationem monasterii sororum Sancti Demetrii de Jadra sicut incepit. Et mandatur sororibus, quod obediant sibi et ordinationibus suis, quas faciet pro bono dicti monasterii. Inobedientes autem potest compellere preceptis, censuris, penis et modis omnibus oportunis. Datum Rome, 3 iunii. 186. Precipitur omnibus fratribus et sororibus ordinis sub pena excomunicationis, a qua non possit absolvi nisi a magistro reverendissimo, mortis articulo dumtaxat excepto et satisfactione secuta, quatenus infra sex dies debeant restituisse vel revelasse presidenti conventus Jadretini quicquid habent vel sciunt de bonis magistri Nicolai senioris et magistri Nicolai iunioris, vel cum eo amicalibiter concordasse. Datum Rome, 3 iunii. 187. Frater Hieronymus Nicolai de Ragusio 80 fuit assignatus in conventu Sancte Crucis de Gravosio. Datum Rome, 6 iunii. 188. Frater Matheus de Ragusio fuit assignatus in studentem theologie pro rata Provincie sue in conventu Perusino cum gratiis consuetis. Datum Rome, 13 iunii. 78 HAD, Distr. test. 18, fi. 4r, 27v. 79 Martialis Auribelli, general dominikanskog reda 1453—62, 1465—73. 80 Hieronymus Nicolai de Martinis de Ragusio: usp. regeste 207, 317, 318, 418, 419. 180
