ARHIVSKI VJESNIK 17-18. (ZAGREB, 1974-1975.)

Strana - 153

Sicuti Maiestas vestra Regia ex humili nostra petitione sub a (v. ovdje br. 26) clementer intelligere dignata fuerat, qualiter nos afflicti ac simplices homines nostras immunitates renovandas Capitulo et pro ulteriori Vestrae Maiestatis regiae notitia dederimus. Sic etiam Maiestati Vestrae regiae per inclusum scriptum B (v. ovdje br. 25) ne violentia illa et oppressione sedibus domibusque nostris tamquam pauperrimi homines primemur pro benignissimo auxilio supplicavimus. Quid nobis a Maiestate Vestra regia et ab inclyta Camera Hungarica ad informationem Comitatus et statum causae, sic etiam Capitulo per mandatum clementissime intimatum (?) fuerat sub scriptis C et D (v. ovdje br. 16. i 17?) Id autem ad effectum nondum perductum sed unius partis ius tamquam inter amicos susceptum, ut hac ratione nobis imponant cum tarnen sperassemus quod ipsi veluti personis ecclesiasticis nos afflictos Suae Maiestatis Regiae subditos pro consequendis privilegiis nostris magis essent adiumento futuri, quam ut iis nos privarent. Prout etiam alia et parte inter illos dictum nobisque intimatum ut cum Capitulo transigamus. Quod nobis omnino non incumbit sed id ut apud Maiestatem vestram regiam tamquam Dominum Nostrum clementissimum ac protectorem divinae iustitiae demisse institimus et ob amorem Dei clementissimam opem et auxilium eiusdem imploramur. Ut autem gravamina nostra Vestra regia Maiestas dementis sime intelligat, quae nobis violenter imponuntur et facta Capituli contra Deum et iustitiam cui gratuitos labores praestare cogimur Vestra Maiestatis Regia sub E (v. ovdje br. 22) hic clementissime cognoscet. Ad haec ut Maiestatem Vestram Regiam cum maiori veritatis fundamento ratione istorum privilegiorum nostrorum demisse informemus intermittere non possumus. Anno adhuc isto praesenti 1609. 1. iulii ultra 72 omnes provectae aetatis subditos causae istorum privilegiorum nostrorum in Adamoc (!) adiuratos esse, tunc cum Maiestati Vestrae Regiae impositum illud onus in scriptis demisse exhibere voluimus et licet illis adhuc plures extiterint, illos tarnen adiurare non curavimus. Ita ut Capitulum quod alias privilegia nostra in manibus habet et ea sibi bene perspecta habet, in extremo iudicio de iis rationem reddere debebit. Quocirca Maiestati Vestrae regie denuo demisse ob amorem Dei supplicamus Maiestas Vestra Regia dignetur nos pauperes et subiectissimos subditos in istis nostris privilegiis clementissime secundum divinam iustitiam tueri ac defendere et sine nostro humili praescripto Capitulo serio iniungere quatenus eiusmodi privilegia, quae a nobis practicarunt Maiestati Vestre Regiae pro indagnanda (?) divina iustitia hue consignent aut domino Bano dignetur mandato suo Regio demandare ut is ea repetens Sacratissimam Maiestatem vestram Regiam informare debent. Tunc Vestra Maiestas Regia si noxii esse videbimur debita poena nos punire seiet. Quam Maiestatis Vestrae Regie clementiam praepotens Deus abunde rependet, etc. Vestrae Maiestatis Regiae humilimi et obendentissimi subditi. N. et N. iudex et iurati in Kinigsperg et Domoz una cum omnibus oppressis subditis. Kaptolski arhiv u Zagrebu, ACA, sv. 24, br. 46, koncept. 153