ARHIVSKI VJESNIK 16. (ZAGREB, 1973.)

Strana - 93

retur, pronisqve notabili in parte Regni, in rebellionem rusticorum animis, appareret, ni praesentaneum huic malo qvod mora in dies invalesceret, remedium poneretur, malum longissime protrahendum esse, siqvidem Illustrissimus Dominus Comes Locumtenens Confiniarijs occupatus negotijs, longius abesset, nos eo, qvo, in tanta rerum perturbatione, potuimus, numero, apud Excellentissimum Dominum Eppiscopum congregati, earn, qvae celerrime haberi posset, banderiorum manum contrahendam, assumptaqve, qvae ad manus haberetur, nobilitate, per Dominum Vice Banum, cui alioqvin ejusmodi nobilitaris banderialisqve militiae, commando, ex munere competit, dictis tumultuantibus obviam eundum esse censebamus. Qva nostra determinatione nobilibus, banderialisque, ocyus notificata, cum expressa, in annexa tabella nobilitaris, banderialisqve manus sensim confluxisset, qvam fidelem in periculosissimis his temporum circumstantijs operam, toti primum Patriae turn per praeservationem, a praesenti malo vicinarum provinciarum, ipsi etiam Sacratissimae Caesareo Regiae Maiestati, dicta militia, turn praepositi eidem Domini Comitatenses, sed vel maxime ipse ductor, ejusdem militiae Dominus Vice Banus, féliciter praestiterit, ex annexa, factae per eundem Dominum Vice Banum eatenus verae relationis copia gratiose intelligere dignabitur Excellentia Vestra. Qvia tamen eidem militiae qvospiam a nonullis excessus, imputari, imo earn, apud Excellentiam Vestram eo nomine delatam etiam esse, fidedigne intelligimus, hisce Excellentiae Vestrae demisse duximus detegendum: Dominum Vice Banum, Praedam qvidem omnem severe prohibuisse, Dominijs, qvae eius implorarunt assistentiam, efficaciter adstitisse, in qvosdam mandato suo contravenientes, condigna etiam paena animadvertisse; id nihilominus fuissse impossibile, ut per militem qvi strictioris expers esset disciplinae, et qvi sciret, in sola sua fidelitate, universi paene Regni salutem esse constitutam, aliqvis subinde excessus non perpatraretur, praesertim, cum tota haec militia, velut tumultuarie contra rebelles educta, necessaria subsistentia fuerit destituta, ut adeo in tarn turbido rerum statu, tribuendum profecto aliqvid etiam fuerit necessitati temporis, aliqvid militari etiam licentiae condonandum. Qvare dum Excellentiam Vestram ut hunc dictae militiae in summum Principis servitium, promptum, intemeratumqve zelum, boni habere, ejusmodi autem incusantium vocibus aures ultra justum et aeqvum non adhibere velit, demisse exoramus, nos ulterioribus Excellentiae Vestrae gratijs commendantes constanti cum veneratione perseveramus. Excellentiae Vestrae Dabantur Zagrabiae ex Conferentia nostra die 28. martij 1755. Humillimi, et obligatissimi servi N. N. Regnorum Dalmatiae, Croatiae, et Sclavoniae Status et Ordines conferentialiter congregati. Acta Banalia, Nro 68/1755. 93