ARHIVSKI VJESNIK 16. (ZAGREB, 1973.)
Strana - 85
milozti gospocztvo davali, kada je inquisitia bila pred gozponom Harchium y gozponom Knapichiem da ie ono vsze zataill pred nimi y prizegell. Prozim vase milozti gospocztvo za vze to pravde y pravice iz niega, ako bi bila volia vase milozti gozpocztvo kada bude Gasiczeva pravda po Vuzmu v zredu, da bi onda y ta mogla bitti. Od vase milozti gospocztva hochiu ponizno odluchka, navuka y zapovedi chiakatti. Vase milozti gozpocztva zluga ponižen Nicolaus Bahatt Kaptolski arhiv u Zagrebu, ACA, fasc. 59, nr. 5 20. 1656. III 1. Mihajlo Bešenić moli Zagrebački kaptol da ne vjeruje osobama koje ga optužuju za sudjelovanje u buni. Zlusba moia da ie ponizna y pokorna vase milozti gozpocztvu preporuchena kako moie miloztivne gozpode wazdar ufane. Tusim ze vase milozti gozpocztvu y preporucham kako wazdar moie ufane y miloztivne gozpode na ove neverne y prokliete liudi kako zuproti moioi ziromaske glave taki govore kad me nazochi ne, a jaz, moia gozpoda miloztivna, za nie nezem nikakav krivecz niti zem ie videl nego onda kada zu ie gozpon Filipovich pri Jancheczu chteli onda zu ie taki y odnezli od Janchecza, ter zu taki zacheli ze nie prezavati y potlam ie vze tamo derse pri zebe zu y vezda pri nih. Zato ia ziromah iunak ufam ze vu vase milozti gozpocztvo da vase milozti gozpocztvo ne veruiete ovem nevernikom, ar krivo neverniki chez me i chez moiu ziromasku glavu govore, gda sem nazochi tak neverniki nikai chez me ne zmeju govoriti, a sto ti bi radi da bi y mene vase milozti gozpocztvu razipali kako ti zu ze y oni ki zu neverniki y danaz vase milozti gozpocztva, da bi oni ne bili neverniki oni bi dossli davno pred vase milozti gozpocztvo nego sto ti zu neverniki bili i budu tak zato neste. Ia ze ufam vu vase milozti gozpocztvo da hochete z menom tu liubav vchiniti y nechete ovem nevernikom zvake rechi veruvati, a ia zem vu rukah vase milosti gozpocztvu ze vzem moiem y z moium glavum ziromaskom. Z tem vase milozti gozpocztvo gozpodin Bogh zdravo y vezelo dersi na vnogo dobrih let, selim vase milozti gozpocztvu vzaku dobru zrechiu. Datum in Termis die 9. februaru. Vase milozti gozpocztva ponižen zluga Mihali Bessenich. Iaz Nicolaus Bahat porkulab toplichki na to vase milozti gozpocztvu rechem iliti govorim kai danaz govori zutra pak taki drugach oberne. Ia zam zato preporucham ga vase milozti gozpocztvu. Na poleđini: Ad Venerabile Capitulum ecclesiae Zagrabiesis etc. Dominos Dominos gratiosissmos supplicatio humillima. 1656. 4. martii praesentatum. Kaptolski arhiv u Zagrebu, ACA, fas. 59. 85
