ARHIVSKI VJESNIK 16. (ZAGREB, 1973.)

Strana - 14

Gregorium Ztarecz, Jankonem Tokachych, omnes in predicta Bakwa commorantes, et Marcum de Tholowcz, nominibus et in personis prioris et fratrum heremitarum claustri predicti ac tocius Ordinis sui predicti nobis graviter conquerendo quomodo prefati rustici et eorum complices timore Dei penitus postposito, animo indurato et aure obtusa ut aspis surda ipsas sentencias nostras penitus parvipendendo de invasione claustri predicti et fratrum in eodem degencium, verberacione et vulneracione hominum eorundem fratrum, violacione cimiterii eiusdem claustri necnon occupacione et violenta detencione silvarum eorundem fratrum, spoliacione et depredacione possessionum et iobagionum dicti claustri ceterorumque dampnorum et iniuriarum eisdem fratribus heremitis et claustro ac Ordini ipsorum prescripto illatis, iuxta continenciam pretactarum literarum sentencionalium ac de expensis causa in eadem per ipsos fratres factis necnon de iudiciorum gravaminibus in quibus iidem rustici et eorum complices contra dictos fratres heremitas causa in eadem sunt legittime convicti et agravati nullam impendere vellent satisfaccionem in preiudicium et dampnum eorundem fratrum animeque sue detrimentum valde magnum, propter quod per nonnullos Dominos plebanos ibi in partibus forent et existunt publice et manifeste excommnunicati et pluribus vicibus denunciati prout per literas eorum relatorias sufficienter edocti simus. Supplicavit itaque nobis idem frater Benedictus heremita, nominibus et in personis quorum supra, humiliter et devote ut eisdem super premissis paternaliter providere dignaremur de remedio oportuno. Nos igitur qui ex suscepti officii nostri cura cunctis iustis petentium votis aures nostras tenemur aperire pio cum favore, prefatos rusticos sacrilegos et eorum complices a diuturnis temporibus sentencia excommunicacionis innodatos publiceque et manifeste ut premittitur per certos Dominos plebanos in ecclesiis eorum denunciatos et excommunicatos tamquam perdicionis et dampnacionis eterne filios pro premissis eorum sacrilegio, contumacia, rebellione et inobediencia animique induracione per présentes literas nostras agravacionis et reagravacionis ymo agravatos et reagravatos fore pronunciamus, decernimus et declaramus. Quocirca vos omnes et singulos Dominos supradictos et vestrum quemlibet série presencium requirimus, hortamur et monemus vobisque et vestrum cuilibet in virtute sancte obediencie et sub excommunicacionis pena, quam si secus feceritis in vos et vestrum quemlibet ferimus in hiis scriptis, firmiter precipientes mandamus quatenus mox habitis presentibus, dum super hoc fueritis requisiti aut alter vestrum fuerit requisitus, ad prefatos rusticos et eorum complices personaliter accedatis eosque verbo nostro et vestro salubriter et exuperhabundanti moneatis et requiratis in eo ut ipsi infra novem dierum spacium a die huiusmodi monicionis et requisicionis vestre immediate computandorum, quorum tres pro primo, tres pro secundo, reliquos tres dies pro tercio et peremptorio termino assignamus, de predictis invasione claustri et fratrum, violacione cimiterii, verberacione ac vulneracione hominum necnon occupacione et violenta detencione silvarum ceterorumque dampnorum et iniuriarum eisdem fratribus heremitis et Ordini ipsorum illatarum satisfaciant cum effectu ac de dictis expensis, ut prefertur, causa in premissa per ipsos factis ac de universis iudiciorum gravaminibus in quibus iidem rustici contra prefatos fratres causa in premissa sunt convicti eisdem plenariam et omnimodam impendere debeant satisfaccionem vel cum eisdem componant salva tarnen iudicis porcione. Qui si premissa suo modo fecerint et monicionibus nostris huiusmodi paruerint, bene quidem. Alioquin elapsis huiusmodi novem 14