ARHIVSKI VJESNIK 16. (ZAGREB, 1973.)
Strana - 12
1479. V 6. Čazma 5. Lektor Čazmanskog kaptola Ivan nalaže područnim župnicima da javno izopće iz crkve pobunjene seljake iz Donje Bukovice, ako u roku od 9 dana ne naknade štete koje su učinili pavlinskom samostanu u Donjoj Bukovici. Johannes, lector, canonicus et locumtenens ecclesie Chasmensis, in Christo nobis sincere dilectis N. de Zdencz, N. de Sancto Bartholomeo, N. de Werecze, N. de Lypowa, N. de Tholowcz, N. de Sancto Michaele et N. de Sancta Cruce ceterisque ecclesiarum plebanis ubilibet in dyocesi Zagrabiensi constitutis et commorantibus requirimus salutem in Domino et nostris firmiter obedire mandatis. Noveritis quomodo providi videlicet Matheus Banowych de Bakwa, Petrus Greksych, Nicolaus Zewer, Petrus Plawanych, Mathias Zedchych, Iwan Thoth, Anthonius Ztoykowych, Andreas Dercz, Valentinus filius Mathei Wokchewych, Martinus et Gregorius privigni Stephani Ztarecz (-eh?), Janko filius Stephani Thokachych, omnes prescripti de predicta Bakwa, et Marcus de Tholowcz, ad instantiam religiosorum prioris et fratrum heremitarum sancti Pauli primi heremite in claustro sancti Benedicti in predicta Bakwa fundati degentium, racione invasionis et violacionis claustri ac cimiterii, occupacionis silvarum, verberacionis et vulneracionis hominum et familiarium aliarumque iniuriarum et dampnorum eisdem fratribus heremitis et ordini ipsorum illatorum nostram in presenciam in sedem Chasmensem peremptorie citati et demum exigente ipsorum contumacia ad deponendum iudiciorum gravamina nobis et parti adverse necnon ad videndum et audiendum contra se ferri sentenciam exeommunicacionis et ad allegandum cur racione previa exeommunicari et nobis birsagia in quibus convicti existunt deponere non deberent in partibus legittime evocati rebellionis calcaneo ducti in nullo termino ipsis prefixo coram nobis nec per se nec per aliquem procuratorem ipsorum in iudicio comparere curarunt, sed se omnino a facie iuris et iusticie contumaciter absentarunt. Prefatus vero procurator ipsorum fratrum frater videlicet Benedictus de Iwanych in dictis citacionis et evocacionis terminis coram nobis in sede nostra iudiciaria comparens diebus legittimis et horis congruis sufficienter expectans ipsorum non comparencium contumaciam instanter accusavit. Pro quo iidem in causam attracti in certis et consuetis iudiciorum gravaminibus contra nos ac partem adversam legittime fuerunt convicti et agravati, de quibus quidem citacionis et evocacionis terminis per literas relatorias predictorum plebanorum et notarii infräscripti sufficienter edocti sumus et quia crescente contumacia merito crescere debet et pena, vobis igitur et vestrum cuilibet in solidum in virtute sancte obediencie et sub exeommunicacionis pena districte precipientes committimus et mandamus, quatenus prefatos in causam attractos accedatis personaliter ipsosque verbo nostro et vestro salubri moneatis et requiratis in eo ut iidem infra novem dierum spacium a die huiusmodi vestre monicionis immediate sequencium computandorum, quos eisdem pro primo, secundo, tercio et peremptorio termino canonica monicione premissa assignamus, prefatis priori fratribusque heremitis et claustro ac Ordini ipsorum prenotato de premissis invasionibus, violacionisque claustri ac cimiterii occupacionis et detencionis silvarum aliisque dampnis et iniuriis satisfaciant ac cum eisdem amicabiliter componant et concordent. Qui si fecerint bene quidem, alioquin elapsis dictis novem diebus eosdem Matheum 12
