ARHIVSKI VJESNIK 10. (ZAGREB, 1967.)

Strana - 67

Item hote da imena illiti dneui szueczeu y szueticz, pod koterih imenom bratouschinu szuoiu ieszu podigli, dasze oszebuinim zakonom imaiu obslusauati y szuetiti. Item akobisze koteri mestri, na pomoch delauniki, alli szlugi med szobum szuadili, karke imali, y omrasnie vchinili med szobum, da one iszte bratouschine chehmešter, alli drugi mestri imaiu pogoditi y poiedinati, ter nai pogodbu zuerhu nyh posztaue, y koteribi oue pogodbe ne hotel pokoren bitti, ta takou imasze taki zbrez niedne milosche na ieden rhainski kastigati, koteru kastigu gospon rihtar vzeme saze iz niega. Item vszi mestri vu delu szuoiem tkallechkom, platnenom y szuknenom budu obdersauali širinu iednoga lakta, alli kak hoteli budu imati oni koterimsze delà. Item akobi koteri zvunszki alli sztranski platnar alli tkalecz bisze vkupil vu ouv nassu bratouschinu polag dokonchania bratouschine oue, te takou vu vszih mesztah Stayerszke prouinciae y orszaga, vu varassi, vu kašteli y osztalih mesztah szlobodno delati tersiti mogel bude ne druge. Item akobisze koteri iznašli, koibi za gore popiszane modusse, red, obdersauanie y nauade ne marali, terbisze szuproti nym noszili imaiusze kastigati y od nauuka ouoga na dalie tiriania vun izurechi. Ako bude mester naisze zpomochniki nieguemi zaukupa vun izuerse. Ako pako budu pomochniki naisze po mestrih vun izuersu, zvun oue conditiae, akobisze szami dobrouolno vu pokorschinu pusztili ter kastigu podnesztisze offeruvali pred uszum bratouschinum, ar onda miloschu dobiti hoche. Nistar manie, akobi gori szpomenuti mestri tkallechki, a nit pomochniki nihoui, koiega szlugu, alli pomochnika szuoiega, iz kakuom velikom, preteškom y nenauadnom kastigom vu obdersauainu nauade y articulusseu szuoih obtersiti hoteli, tho nasse rihtara y priszesnikou mochi y oblaszti zadersauamo thu takuv kastigu odlahkotiti, pomensati y poueksati poleg volie nasse. Na szpodobnim pako zakonom y tho da akobisze napotlam gda, na szkorom, ali na dugom vremenu, vezda ali gda potlam vu ouom redu, articulussi y nauadeh, kakua confusio, zmessanie y zmutnia pripetila, vu oue ouakve zmutnie y zmessainiu, poraunati, modererati, poprauiti, odvzeti, primensati y pridati, kako obchinszko dobro szobum donassalo bude, nasse oblaszti zadersauamo. Odkuda y mi oue ouakve articulusse red y nauadu imenuvanoga navuka mestrou pred nasz dane y donessene, priemssi szpoznali ieszmo, ter iznašli, daszu vsza prauichna y k prauicze prilosna, niti szlobodam nassim szuprotiuna, zato priuolenie nasse prauichnomu potrebuvaniu y prosnie nihoue niszmo hoteli izkratiti, nego da gore posztaulieni articulussi modussi obdersauainia y nauade y osztala druga, kotera szpomenuti mestri za nyhouo y za nasse obchinszko dobro y napredak huale y dike vredna y hasznouita, odkud goder iznaiti, ali zmiszliti mogli budu zbrez škode prauicz illiti szlobode nasse, nim mestrom tkallechkim purgarom y varosczem nassim tak vezdasnim, kak y nihouim potlam buduchim vu szloboschine nyhoue dasze imaiu obdersauati z iedinim hoteniem priuoliti dokonchali y praepusztili ieszmo, koia usza po ouom lisztu nassem potuerguiemo y approbuemo y navek sztalna priiemliemo alli vendar vszakoga drugo, nieguih y nassih prauicz uszi articulussi y punctumi da vu szuoie iakoszti y urednoszti obsztoie vun ziemliemo, ter radi ueksega veruvania, na bolssu y vekouechnu sztalnoszt y iakoszt usza oua pechatium nassum velikum dole viszuchom potuerditi ieszmo dopusztili. Dano vu Varosdinu na dan szuetoga Lukacha euangelistae, anno domini 1561. Blasius litteratus notarius civitatis, manu propria. 67