ARHIVSKI VJESNIK 10. (ZAGREB, 1967.)

Strana - 66

Item akobi koteri nauvchniak, nauvk szuoi od takuoga mestra imal, koteribi zadouolno posten nebil, naisze za nistar ima, ter od osztalih mestrou y zaukupa delaunikou imasze oduerchi i odtirati, ter od delà vun zapreti. Item akobi koteri zmed mestrou tkallechkih vu koterom vremenu szprauischa mestrou y assessorou po chehmestru pozuan, nebi hotel doiti, onda na perui terminus zbog nedossestka szuoiega za ieden fiertal voiszka, na drugi pako terminus za pol funta, na treti ktomu terminus akobi ne dossel, y nebi hotel doiti, kakou godermu zuerhu toga po chehmestru y osztalih mestrou y assessorou, birssag y kastiga doszugien y dopitan bude, platitiga y podneszti mora, y chehmešter ga zbrez niednoga vpuschenia ima od niega isztirati. Item akobi koteri mester vu bratouschine nasse zdrugemi mestri na nauaden offertorium doiti, ter obechaniu alli dusznoszti suoie zadoszti vuchiniti zamudil, dusen bude vu puskiczu ieden kraiczar posztauiti. Item hoteiu imati da vszake quatre letta, koteresze Angarie imenuiu officium za dusse mertuih bude popeuan, y tho na uffanie uekuechnoga blasensztua, y na gore sztaianie uszih dus vu bratouschine nasse mertuih mestrou y mestricz, illiti bratou y szesztar, za oszebuini vernih dussiez szpomenek. Item ako koteri zmed bratouschine oue nasse brat, budi mester szam, szin alli hcher, szluga alli nauvchniak niegou, iz ouoga szueta premine officium mortuorum, illiti mertuih imasze zuerhu niega popeuati. Item gda koteri mester alli mestricza szin alli hehi po dopuscheniu bosiem premine onda vszi mestri tkallechki, kotere god zapoued naiđe y zauerne, khise one, pri kotereie mertuecz, moraiu y dusni ieszu zakupa szprauitisze, y na pokopu uszi zgoruehemi duplieri illiti szuechami bitti pod birsag pol funta uoiszka. Akolibi pako koteri vu ono vreme doma ne bil, nai zapoued szlugi szuoiemi osztaui, da ieden zmed domachich z voischenum szuechum ima tamo doiti, y da mestra onoga, mestriczu, szina alli hcher, koteri alli kotera vumre, chetiri zmed mestrou imaiuga vu czirkvu odneszti pod birsag gore posztaulieni. Item vszaku nedeliu quaternu mestri kchehmestru szuioemu szkupa szprauitisze y uszegdar vszaki zoszeb vu puskiczu chetiri noucze posztauiti pod birsag iednoga fiertalia voiszka; rauno tak szlugi y zakupa delauniki, vszaku mladu nedeliu kdekanu szuoiemu doiti y vszaki szuoi nouecz polositi pod szpomenutu kastigu dusni ieszu. Item hocheiu, ter iz bratouszke liubaui dokonehali iesu, da gda koy po prepuscheniu bosiem vu kakou betteg dopadne y betesen vu poszteliu doide, onda uszegdar dua zmed mestrou tkallechki redom vszaku noch ktomu takuomu betesniku priti, pri niem verno osztati, y niemu tak dugo duoriti, doklam god alli ozdraui, alli iz ouoga szueta premine, dusni ieszu, koterim vszegdar daie imsze iz puskieze na ieden pint vina penez. Item y akobi koy zmed mestrou tkallechki alli bratie nihoue vu mlahavu sztaroszt, alli vu dug betteg dopai, y od iakoszti szuoie natuliko odesztal, dasze znauvkom szuoim nebi mogel hraniti, tomu takuomu onda gingavomu y premlohauomu mestru chehmešter alli dekan peruo nego koiemu drugomu na pomoch dellaunika illiti szlugu dati mora. Item akobi koteri zmed mestrou delaunikou alli szlug zbogom, alli szueczim sentaual, szuproti bogu alli szueczem spotal, alli ime bosie zahman naperuo iemal, ta takou zbrez niedne milosehe naisze kastiga y ieden funt voiszka plati taki vu bratousehinu. 66