ARHIVSKI VJESNIK 10. (ZAGREB, 1967.)

Strana - 64

letto na dan szuete Cattharinae deuicze y muchenicze, izebrati, ter niega za ono vreme buduchemu rihtaru praesentierati, y onda pak premeniti ga, alii posztauiti, koy ako od pochetka do izkonchania letta chaszti szuoie uv chehmestrie bude zadouolien dober y pošten nasest, toga takuoga naizad y drugo letto, polagh volie szuoie, izebratiga, ter goszponu rihtaru praesenterati i onak gda im sze uidelo bude alii praemenitiga alii potuerditti, moch y iakoszt imali budu tak da on iszti chehmešter zeuszimi drugemi cheha rechenoga mestri szuoiemi, modusse, nauade, szlobodu y prauicze nyhoue vu vszakom szuoiem punctumu y zadersauainiu sztalno, ter izuersenim illiti neoszkrunienim zakonom brani y obdersaua a mestri pako niemu kakti chehmestru szuoiemu uu szakom prepuschenom y poštenom duguvaniu podlosni, pokorni bitti y niega poszluhnuti dusni budu. Pripechanja pako vszakoiachka koterosze pri navuku y mestrie pripeti navuka tkallechkoga, vzemssi polag szebe nekuliko iz sztaressih mestrou szuoih nato prikladni, y vuchenessih vu prauiczah mestrou, mogli budu szuditi, reprobuvati, ter hmainie za hman delo nyhouo y pregreske vu kakuom god poteschavaniu kastigati y na konecz dopelliati, zvun praude glaune, kotere szud y kastiga za varaš zadersavasze. Akobi pako chehmešter cheha ouoga med vremenom chehmestrie szuoie, ter gda goder znaiuch, dobrouolno, alli od koiega god nato uzett, na blago szuetczko* pohlepil, alli zbog kakue goder dike, ter izuissenia szuoiega, vu neuernoszt, nezahualnoszt, alli koie hman, nepošteno y neuredno delo, szuproti chehu y mestrou suoih, szuproti goszponu rihtaru, priszesnikom, obchine, alli koiemu god drugomu chloueku dopaszti vtegnul, da onda cheha y navuka ouoga mestri vszi zaukupa, ouoga ouakuoga nezahualnoga y neurednoga chehmestra dole iz chaszti posztauiti, ter drugoga na meszto bolsega, vernessega y zahualnessega izebrati, gore rechenim modussem praesenterati y polositi mogli budu. Akolibi pako nehoteli vszami tho vchiniti, da goszpon rihtar y plemenit magistratus nato oblaszt imal bude. Item da nieden tkalecz zuvnszky, alli prihodni uv varaš ou y na zemliu varassa ouoga doiduchi, niti vu varassu, niti zuvna varassa y na zemlie varaske nebude szloboden mestriu tkallechku delati y teriati zbrez priuolenia i dopuschenia chehmestra y osztalih chehae mestrou, kako rauno niti detichu nieguomu. Akolibisze pako koteri tha takou zvunszki y prihodni vu varaš ou doiduchi szuproti chehmestru y drugim mestrom pouffai posztauiti, ne hoteuszisze polag nauade nyhoue, knim prikladati, terbi zbrez znania y dopuschenia nihouoga delatisze podsztupil, damusze delo koteroie delati pochel alli nachinil po chehmestru vzeme, koiega pollouicza isla bude za ono ureme buduchemu richtaru, druga pako pollouicza cheha mestrom na bratouschinu ima iszpaszti. Akobisze pako koteri tak szamoladen terd y szuprotiuen iznassel, dabi prauiczam, nauadam y szlobode nihoue ne hotel pokoren bitti, ter nym szuprotiuno hodil, y chehmestru y osztalim mestrom tkalczem nebisze hotel podlositi y vu pokorschinu dati, toga takuoga nepokornoga y rebelissa chehmešter y richtar varassa vlouiti, vu vuzu posztauiti y vu selezuh ga dotih dob dersati doklam dua rhainska penesz ne plati y neposztaui, moch y iakoszt imaiu, iz koih dueh rhainizskou pol goszpon rihtar, a pol mestri tkalechki vzebe užemu. Nego akobi koi zuvnszki y prihodni tkalecz, ali koi mestriae nauvka tkalechkoga nauvchnik vu ou varaš dossei, terbi mestrom oude posztati hotel ta takou onda naiperuo y principaliter mora doiti pred chehmestra, koteri taki mora druge mestre tkalcze kszebe zaszuati vuchiniti, ter niega pred nymi 64