ARHIVSKI VJESNIK 10. (ZAGREB, 1967.)

Strana - 109

Item iidem seruitores et homines dominorum Keglewych in eadem Medwedkowecz Stephani Boroschyak, coloni eiusdem Joannis Zaboky, domum irruentes, ubi confractis januis, universas res mobiles, tunicas, camisias, linteamina, mensalia, manutergia, victualia, larda et omnem clenodiaturam acceperunt, tandem unum vas vini continens cubulos 20 dissecauerunt, partim ebiberunt, partim vero in terram efuserunt; cui intulerunt damni in valorem fl. 20.. Item idem Mathie Fylyak, coloni Joannis Zaboky, domum invandentes acceperunt omnes res mobiles et clenodia domus; fecerunt damni in valorem fl. 4. Item idem ibidem Petri Fylyak irruentes cellarium in promonthorio Medwedkowecz existens, cui vinum omnino, quantum habuit, partim ebiberunt, partim vero quo voluerunt asportauerunt, ligones, serras, repagula et omnem clenodiaturam acceperunt; intulerunt damni in valorem fl. 5. Item nobili Nicolao Pozebecz cellarium in promonthorio eiusdem Joannis Zaboky Prozenyk vocato existens sepius inuaserunt, tria vasa vini continentia vini cubulos 70 partim ebiberunt, partim ad propria abduxerunt, seras, repagula et omnes res mobiles ibidem existentes, quas leuare potuerunt, abstulerunt, fenique circiter plaustra sex abduxerunt; cui intulerunt damni in valorem fl, 40. Item homines et seruitores magnifici domini Mathei Keglewych videlicet Damianus Zladoyewych aliter Wecherinus dictus et Blasius Cherny, walpotus dicti domini Matthei Keglewych, cum eorum complicibus inuadentes domum prouidorum Matthei et Gregorii Kopsych de Grabowcz, colonorum eiusdem Joannis Zaboky, ibique in omnibus rebus mobilibus et clenodiis domus ex commissione domini eorum depraedauerunt ac insuper dictos colonos videlicet Matheum et Gregorium Kopsych captiuauerunt, vestibusque ac calceis eorum denudauerunt, manibusque a tergo ligatis, in unico indusio captos deduxerunt et quamuis praefatum Mathiam Kopsych quando eorum placuit voluntati ex itinere dimiserunt, Gregorium vero Kopsych recta ad Koztel vinctum deduxerunt, ubi et de praesenti in captiuitate detinetur; quibus damni intulerunt in valorem, excepta captiuatione fl. 30. Item idem seruitores et homines domini Mathei Keglewych ex comissione domini eorum videlicet Damianus Zladoyewych aliter Wecherin dictus et Blasius Cherni, walpotus eiusdem domini Mathei Keglewych, cum eorum complicibus captiuauerunt Matheum Gywrgynych, colonum dicti Joannis Zaboky, eumque recta ad Castrum Koztel vocatum deduxerunt, ibique quo eiusdem domini Mathei Keglewych placuit voluntati detentum seruauit, seruatumque et detentum qua voluit sua dominatio dimisit; cui, excepta captiuatione sua, ex eo quia quicquid apud ipsum inuenerunt, ab eo acceperunt, intulerunt damni fl. 6. Item idem seruitores et homines domini Matthei Keglewych videlicet Damianus Zladoyewych et Blasius Cherny cum eorum complicibus inuadentes domum Blasii Saffarych de Grabrowcz, coloni dicti Joannis Zaboky, ubi acceperunt omnia suppellectilia domus et reliquas res mobiles, per se boues duos, vaccas quinque, porcos sex; cui intulerunt damni ad valorem . . . fl. 25. 109