ARHIVSKI VJESNIK 10. (ZAGREB, 1967.)

Strana - 95

Ittem Valentin! Kwsych, colonis eiusdem, invadentes domum uxorem ipsius in terram deiectam dire verberauerunt et totam clenodiam domus abstulerunt; cui, excepta verberatione, intulerunt damni in valorem fl. 5. Ittem Ambrosii Pylek, colonis eiusdem, invaserunt molandinum (!) ibidem in Belecz erectum, ubi pre metu rusticorum et belli omnes res reposuerit, unde confractis portis et molendino abstulerunt omnes res ibidem repositas et ferrea omnia de molendino; cui intullerunt damni in omnibus rebus acceptis et confractis valorem fl. 18. DAMNA NOBILIS STEPHANI DRENOCZY Ittem seruitores et homines dominorum Matthei et Simonis Keglewych inuaserunt curiam nobilitarem eiusdem Stephani Drenoczy studentis viennensis, quam inhabitat prouidus Johannes Bartholowych in Gredycze et in comitatu Varasdiensi existentem et habitam, ubi confractis joanuis (!), et seris acceperunt et abstulerunt secures quattuor, seras quinque, manutergia, linteamina, mensalia, camisias, telam, tenuem filaturam diversam et uniuersam clenodiam domus, secures quattuor, vomera aratri duo, traham ferream unam, coticulas tres, pibideos (!) duos, bouem unum trium annorum et reliquas res mobiles, que omnino non possunt ennumerari; in quibus omnibus, excepta violenta inuasione nobilitaris curiae, fecerunt damni in valorem . . '. . . . fl. 35. DAMPNA NOBILIS PETRI DRENOCZY Ittem seruitores et coloni praefatorum magnificorm dominorum Matthei et Simonis Keglewych, nocturno tempore more praedonico, irruentes in et ad domum nobilitarem praefati Petri Drenoczy, in qua habitat prouidus Gregorius Gredyczky, colonus eiusdem, unde abegerunt equatias bonas duas, unum equellum annorum duorum, vaccas mulgibiles sex, boues trium annorum duos, juuencos annorum duorum duos, juuencam similiter duorum annorum unam, pixidem unam cum pertinentiis, unam faretram plenam sagittis, tunicas viriles nouas quattuor, pellicium virile unam, tunicam muliebrem unam, pileum nouum unum, lodicem unam, manutergia quattuor, camiseam muliebrem unam, mensalia duo, felaturam totam ac universa clenodia domus domus (!) mobilia et ligones quattuor, secures maiores quinque, minores duas, traham ferream unam; que omnia praedicta damna, absque inuasione nobilitaris curie, idem exponens non assumpsisset fl. 200 DAMPNA NOBILIUM ORPHANORUM CONDAM FRANCISCI MATHKOWYCH Ittem seruitores et homines dominorum Keglewych iruentes ad celarium prouidi Georgii Oczwyrek, colonis eiusdem orphanorum quondam nobilis Francisci Mathkowych, de Gwbasawo, in promontorio Jakwsowcz existens, ubi confractis portis cellari (!) ipsius et repagulis eius acceperunt vini cubulos 15, falcem unam et universas res, quas ibidem reperierunt, mobiles abstulerunt; cui fecerunt damni in valorem fl. 8. 95