ARHIVSKI VJESNIK 7-8. (ZAGREB, 1964-1965.)

Strana - 310

pondisset, quod ipse nollet venire, ex eo quoniam praefatus quondam junior Petrus Pethrychewych combustione domus et curiae suae illi comminatus fuisset. Qui quondam junior Petrus respondisset, ita se dixisse, si a persequutione et inimititia sua erga illum dictus Johannes Baxay non desineret. Quo audito praefatus Johannes Baxay summis vituperiis dictum quondam juniorem Petrum ibidem increpasset, dicendo illi, praesente praefato Johanne Blagonya judice nobilium, si bone matris filius es sequere me et iterum réitérasses, si filius meretricis non es, cum omni tua progenie sequere me. Sic tandem praefatus quondam junior Petrus conturbatus, super huiusmodi vituperiis dicti Johannis Baxay respondisset, malo hodie mori quam genitricem meam simulcum omni progenie mea in talibus ignominiosis vituperiis relinquere, sicque tandem ad praefatam curiam suam cucurisset, ubi armis ad se receptis, cum quodam puero Petro Pethrych vocato, equis ascensis, praefatum Johannem Baxay ad locum insidiarum, illi ex commissione egregii Stephani Gregoryanczy et dictae dominae Ursulae relictae ex diabolico instinctu paratarum, versus terras arabiles praefati magistri Johannis Hrennychky Kerchy vocatas, intra territorium praefatae possessionis et districtus Felseo Zthwbycza, dicto Johanne Baxay ante ipsum insultante et eundem ad locum insidiarum cum antefato puero suo inimice provocante persecutus fuisset; qui quidem junior quondam Petrus dum ad dictum locum insidiarum cum dicto puero peruenissent, tunc ibidem agiles Georgius Horwath Blagaychych aliter Palothay vocatus, cum Johanne similiter Horwath aliter Ztharchych dicto, servitores scilicet speciales praefati Stephani Gregoryanczy per eundem Stephanum Gregoryanczy ad id deliberatiue transmissi, in cursu equorum ex praefatis insidiis dicto quondam juniore Petro positis ab una, in et ad praefatum quondam juniorem Petrum Pethrychewych, ab altera vero partibus praefati Johannes Baxay cum dicto seruitore suo hostiliter prosilientes, eundem quondam juniorem Petrum praefatus Georgius Horwath gladio seu mucrone sub umbilico transfodisset, equumque eiusdem retro sellam acriter vulnerasset. Sub praefato quoque puero Pethrych praenominatus Joannes Horwath equum vulnerando interfecisset, dictoque puero Petrych idem Johannes Horwath quinque letalia vulnera inflixisset. Sicque dictum quondam juniorem Petrum Pethrychewych se acriter defendentem praenominati Georgius et Johannes Horwath ac Johannes Baxay et Lucas seruitor eiusdem ibidem in bonis dicti magistri Johannis letaliter vuineratum et transfixum captiuassent, armaque sua ab eodem spoliassent et abstulissent, captumque ad oppidum praefati castelli Also Zthwbycza deduxissent. Quem dum praefata domina Ursula Meknyczer relicta ex dicto castello sie captiuum ducentem inspexisset, statim intra portam dicti castelli cucurisset, altaque voce exclamasset, qui essent fidèles illius seruitores et subditi et non essent infidèles et proditores, ne permitterent praefatum quondam juniorem Petrum viuum in praesentiam suam adduci sed illum prout haberent in commissis a domino illorum praefato Stephano Gregoryanczy ibidem interficerent, caputque eiusdem in praesentiam eiusdem dominae relictae adferrent. Sicque cito agilem Ludovicum Spychko, secretarium suum, cum huiusmodi commissione in dictum oppidum ad cives et subditos portionis suae et filiarum suarum currere fecisset. Qui Ludovicus Spychko ex dicto castello prosiliens in dictumque oppidum currens alta voce praefatam commissionem dictae dominae suae reiterasset, huiusmodique clamorem praefati Ludovici Spychko in dicto oppido, dum praefatus quondam junior Petrus iam et alioquin in agone mortis preletali vulnere trepidans, a preafataque génitrice sua, 310