ARHIVSKI VJESNIK 7-8. (ZAGREB, 1964-1965.)

Strana - 299

106. Zagreb, 1573. I 3. Koncept isprave Zagrebačkog kaptola o tužbi porodice Hennyngh protiv Franje Tahyja zbog napada na stenjevačkog župnika Tomu. Nos capitulum ecclesiae Zagrabiensis, memoriae commendamus per praesentes. Quod egregius Franciscus Pwhakoczy de Czyglennycza, generosae et magnificae dominae Ursulae Meknyczer, relictae magnifici condam Andreae Hennyngh, ac dominarum Kunegunde Mathiae Kerecheny et Annae Michaelis Konzky ac Marthae Stephani Gregoryanczy egregiorum consortum, filiarum vero praefatae dominae Ursulae Meknyczer ex iamfato condam Andrea Hennyngh susceptarum, nominibus et in personis, nostram personaliter veniens in praesentiam, per modum protestationis nobis detegere et significare curavit in hunc modum. Qualiter feria sexta proxima post festum Nativitatis domini

1 magnificus dominus Stephanus filius magnifici domini Francisci de Thah, agazonum regalium magistri ac Sacratissimae Caesareae et Regiae Maiestatis consiliarii, de voluntate scilicet ipsius domini Francisci Thahy, assumptis secum certis hominibus et seruitoribus suis, manibus armatis et potentiariis, ad domum et curiam plebanalem ecclesiae beatissimae virginis Mariae, in possessione Zthenyewcz ac comitatu Zagrabiensi existentem et habitam, ipsis dominabus protestantibus cum dicto domino Francisco Thahy communem irruentes, ibique primum confractis hostiis eiusdem domus, in eadem domo subintrantes, discretum Thomam presbiterum plebanum eiusdem ecclesiae in Zthenyewcz diversis vituperiorum generibus affecissent ac tandem in terram prostratum dire et acriter verberasset et in manu sinistra penes digitos sauciasset, prouidumque quendam Maydak vocatum, jobagionem similiter dictis protestantibus cum praefato domino Francisco Thahy et heredibus suis communem in eadem Zthenyewcz commorantem, idem dominus Stephanus Thahy hasta sua quam prae manibus habebat per brachia transfigens, et tandem quidam Petrus Wochko dictus, seruitor eiusdem, eundem colonum in capite vulnerasset, non curato obligamine quo praefatus dominus Franciscus Thahy in sua ac dictorum heredum suorum commissariis Suae Maiestatis in facto castri Zomzed et castelli Also Zthobycza temporibus non ita diu praeteritis per praefatam Caesaream et Regiam Maiestatem delegatis astrinxisset, usque ad ulteriorem comissionem Suae Maiestatis praescriptos jobagiones ad dictum castrum et castellum pertinentes, minime interturbare et neque impedire velle,

2 nunc denuo turbasset et impedisset, in graue praeiudicium et damnum dictorum protestantium valde magnum. Unde etiam facta huiusmodi protestatione idem Franciscus Pwhakoczy, nominibus et in personis quorum supra, allegans dixisset nullam occasionem mali protestantes ipsos dédisse et neque in posterum dare velle, si quae ab ipsis rusticis, denuo exacerbatis ex tali perturbatione eueniet, quos in dies idem dominus Franciscus Thahy ac filii et seruitores eorundem contra obligamen suum impediunt. Super quibus quidem factis et dictis litteras protestantionales ipsis protestantibus idem Franciscus Pwhakoczy dare postulauit. Quas nos comuni justicia suadente et lege regni requirente dandas duximus et concedendas.