ARHIVSKI VJESNIK 7-8. (ZAGREB, 1964-1965.)
Strana - 256
tutrici naturali et legitimae generosarum puellarum Marthe et Sophiae, filiarum suarurn ex eodem condam Andrea Hennyngh susceptarum, ac puellis eisdem Marthe et Sophiae. Noveritis, quod cum nos temporibus superioribus circa festum videlicet beati Matthie apostoli, in anno domini milesimo quingentesimo sexagesimo quinto transacto preteritum 1 , ad humillimam supplicationem fidelis nostri magnifici Francisci Tahy, agazonum nostrorum regalium magistri, de pleno consilio fidelium nostrorum dominorum praelatorum et baronum, consiliariorum scilicet nostrorum, tune Viennae ad latus nostrum existentium, directas et aequales dimidietates castri Zomzedwara et castelli Also Ztwbycza, bonorum que et iurium possessionariorum ad eadem pertinentium, omnino in comitatu Zagrabiensi et regno nostro Sclavoniae adiacentium, earn videlicet de qua iam antea circa festum Conversionis Beati Pauli apostoli in anno domini 1565. transacto preteritum, 2 dictus Franciscus Tahy per vos, vestrosque arte quodam sinistra, fraudulentaque dolositate excogitata, contra iura Regni, una cum suis eiectus et exclusus fuerat, eidem Francisco Tahy omni eo iure quo ad ipsum pertinere dinoscebatur reddi et remitti, eundemque Franciscum Tahy, utpote indebite spoliatum et exclusum, in dominium et realem possessionem huiusmodi dimidetatum castri et castelli, pertinentiarumque earundem, introduci et intromitti debere, iuxta iura, leges, publicasque regni nostri constitutiones decreuissemus, vobisque et vestris, cum per litteras legitimorum mandatorum nostrorum, turn etiam per certos commissarios nostros sub poena notae perpetuae infidelitatis, semel atque iterum serio comisissemus et mandassemus, ut dictum Franciscum Tahy spoliatum, una cum consorte et liberis suis, in ipsam dimidetatem predictorum castri et castelli ac bonorum et jurium possessionariorum ad eadem pertinentium intromittere, resque et bona illorum mobilia ablata integre reddere et restituere modis omnibus deberetis. Vos tarnen una cum vestris contumacia ductae huiusmodi deliberationem et dementem commissionem nostram contempnentes et vilipendentes, id facere penitus recusassetis. Subindeque nos huiusmodi nostram et dictorum consiliariorum nostrorum deliberationem fideli nostro magnifico condam Petro Erdewdy de Monyorokorek, regnorum nostrorum Dalmatiae, Croatiae et Sclauoniae bano, pro debito officii sui, vi armorum exequendam, per litteras nostras serio demandassemus. Ac idem condam Petrus Erdewdy banus, tunc superstes circa festum beatorum Petri et Pauli apostolorum in praedicto anno domini millesimo quingentesimo sexagesimo quinto transacto preteritum 3 , banderio nostro regali levato, militibusque nostris sub illius duetu militantibus, simulcum gentibus et populis dominorum ac nobilium, statuumque predicti regni nostri Sclauoniae, de speciali nostro mandato et commissione, secum leuatis et coadunatis ad prescriptam deliberationem et expressam voluntatem nostram, per vos vestrosque tanquam apertos rebelles, pacisque publice turbatores ac insuper manifestos publicarum constitutionum violatores qui se deliberation! nostrae praenotatae temere ac violenter opponere et per consequens sese euidenter contra nos et statum publicum erigere persumpsistis, modo predeclarato contemptam, in virtute brachii regalis exeguendi, sub arcem predictam Zomzedwara profectus fuisset, ibique se ac milites nostros sub ipsius ductu et banderio nostro regio militantes, necnon praedictorum dominorum ac nobilium Regnique statuum gentes et populos, certasque bombardas murifragas collocasset. Egregius Mathias Kerecheny de Kanyafewlde gener tuus, qui tunc in ipso castro Zomzedwara cum ceteris complicibus suis prefuerat, ex speciali commissione, persuasione, opera et auxilio vestro, necnon 256
