ARHIVSKI VJESNIK 7-8. (ZAGREB, 1964-1965.)
Strana - 245
liter ipsa ad simplicem quaerelam magnifici Francisci Thahy Maiestati Caesareae Regiaeque, domino nostro clementissimo, contra ipsam, heredesque ipsius, indebite factam, unacum orphanis suis de bonis, medietatibusque hereditariis aviticis Castro Zomzedwar et castello Stwbycza, per magnificum dominum Petrum de Erdewd banum et ipsum Franciscum Thahy exclusa et electa fuisset. Ipsaque bona dicti domini banus et Thahy ad manus suas recepissent et nunc etiam possiderent. Et quod Sua Sacra Maiestas ipsam dominam Ursulam Meknyczer relictam, filiasque suas orphanas ac etiam fideles suos Mathiam Kerecheny et Michaelem Konzky, generös scilicet eiusdem dominae Ursulae, contra iura et decreta Regni, nulla legittima citatione praemissa vel in generali dieta et congregatione dominorum praelatorum et baronum, regnique nobilium ex decreto Regni fienda, imo Maiestate sua tunc extra Regnum Hungariae constituta, proscripsisset, litterisque proscriptionis eos ubique persequatur. Propterea, cum Sacra Caesarea Regiaque Maiestas, dominus noster clementissimus, neminem regnicolarum suorum iuxta decreta Regni Hungariae nota infidelitatis aliter condemnare possit, nisi prius unam generalem diaetam et congregationem omnibus dominis praelatis et baronibus, caeterisque regnicolis suis, ad unum certum terminum indicat et statuat, ad quern ille contra quern nota infidelitatis obiicitur legittime ex decreto Regni euocetur et ordine iudiciario condemnetur. Et quoniam Status et Ordines proscriptionem hanc illegittimam non saltern priuatas contra aliquot personas factam, sed unam ex praecipuis Regni libertatibus et primam potius in ea laesam atque violatam esse, agnoscant. Ob hoc Maiestati Suae Caesareae Regiaeque, domino eorum clementissimo, fideles sui Status et Ordines universi humilime supplicant, ut bona ipsa Castrum Zomzedwar et castellum Stwbycza, simulcum cunctis pertinentiis et medietatibus eorundem, dictae dominae Ursulae Meknyczer, eiusque orphanis, ab eisdem illegitime occupata, clementer exnunc remitti facere dignetur, ipsasque et generös suos ab praenominata proscriptione absolutos reddat, afferunt enim sese Suae Maiestati Caesareae Regieque et omnibus aliis, si qui contra ipsos legittime contendere voluerint, juri stare. Conqueritur etiam spectabilis ac magnificus dominus Christophorus Ungnad statibus et ordinibus Regni, quomodo ipsequoque ad simplicem quaerelam nonnullorum aduersariorum suorum contra libertatem suam et totius Regni per suam Sacram Caesaream Maistatem Vienna per tres menses fuisset detentus. Supplicant itaque universi Status et ordines Regni, ut Sua Sacra Maiestas unumquemque fidelium subditorum suorum in suis iuribus et libertatibus, iuxta contenta decretorum et antiquam obseruationem diuorum Regum Hungariae, dignetur clementer conseruare. 1 Premda se predstavka hrvatskih staleža o susjedgradsko-stubičkom vlastelinstvu ne spominje među saborskim zaključcima, ona je najvjerojatnije nastala na sjednici od 25. IX 1567. svakako poslije smrti bana Petra Erdödyja. Arhiv obitelji Sermage, sv. 1, br. 26, litt. BB, prilog. 245
