ARHIVSKI VJESNIK 7-8. (ZAGREB, 1964-1965.)
Strana - 239
59. Požun, 1567. VIII 5. Prijepis naloga kojim kralj Maksimilijan naređuje Zagrebačkom kaptolu da uvede Franju Tahyja u pravni posjed onih dijelova susjedgradsko-stubičkog vlastelinstva koje je kupio od porodice Bathory. Maximilianus secundus, Dei gratia electus Romanorum imperator, semper Augustus ac Germaniae, Hungariae et Bohemiae etc. rex, archidux Austriae, dux Burgundiae etc, fidelibus nostris Capitulo ecclesiae Zagrabiensis salutem et gratiam. 1 Exponitur Maiestati nostrae in personis fidelium nostrorum magnificorum Francisci Thahy de Thah, agazonum nostrorum magistri et consiliarii nostri, ac Balthasaris, Gabrielis, Stephani, Michaelis et Joannis filiorum suorum, quomodo ipsi in dominium totalis portionis possessionariae spectabilis et magnifici condam comitis Andreae de Bathor alias judicis curiae nostrae, ac Georgii et Nicolai similiter Bathory, necnon generosarum dominarum Clarae Bathory relictae magnifici condam Anthonii de Lossoncz, sororis uterinae, ac alterius Clarae Casparis Drwgeth de Homona et Dorotheae Lossonczy Stephani de Kyswarda magnificorum consortum, filiarum videlicet eiusdem dominae Clarae Bathory ex praefato condam Anthonio de Lossoncz procreatarum, in castro Zomzedwara et castello Also Sthwbycza vocatorum in comitatu Zagrabiensi existentibus habitae, directae scilicet medietatis eorundem castri et castelli ac pertinentiarum suarum et ittem totius etiam ac omnis iuris dictorum condam comitis Andreae de Bathor, necnon Georgii, Nicolai ac dominarum Clarae Bathory relictae, alterius Clarae et Dorotheae filiarum eiusdem in altera quoque directa et aequali medietate eorundem castri Zomzedwara et castelli Also Sthwbycza 2 , pertinentiarumque suarum, quae alias apud egregii condam Andreae Hennyngh aliter Theuffenpakh et post mortem eiusdem generosarum dominarum Ursulae Meknyczer relictae ac Annae Michaelis Konzky, Kunegundae Mathei Kerecheny egregiorum consortum, puellarumque Martae sponsae egregii Stephani litterati de Gregoryancz et Sophiae, filiarum eiusdem condam Andreae Theuffenpakh, utcunque fuissent, nunc vero nostras manus essent, ipsos exponentes ex fassione et inscriptione praefati condam comitis Andreae de Bathor perpetuo iuris titulo concernentium per nostrum et Vestrum homines legitime vellent introire. Super quo fidelitati Vestrae harum série firmiter praecipientes commitümus et mandamus, quatinus vestrum mittatis pro testimonio fidedignum, quo praesente nobilis Stephanus Schytarowczy aut Jacobus Pogledych vel Gregorius Myndzenthy seu Joannes Beryzlauych siue Petrus Petrychewych neue Joannes Zaboky nam Moises Homzky, aliis absentibus, homo noster per nos ad id specialiter deputatus, ad facies praescriptorum castri Zomzedwara et castelli Also Sthwbycza, consequenterque praescriptae medietatis eorundem nunc apud manus eorundem exponentium habitae ac totius et omnis iuris dicti condam comitis Andreae Bathory ac praefatorum fratrum et sororum suorum in dicta altera quoque medietate praescriptorum castri et castelli habiti et pertinentiarum eorundem, vicinis et commetaneis ipsorum inibi legitime conuocatis et presentibus accendendo, introducat memoratos Franciscum Thahy, necnon Balthasarem, Gabrielem, Stephanum, Michaelem et Joannem filios eiusdem, ipsorumque heredes et posteritates universas in dominium dictae medietatis praedicti castri Zomzedwara et castelli Also Zthwbycza apud manus ipsorum exponentium habitae, 239
