ARHIVSKI VJESNIK 7-8. (ZAGREB, 1964-1965.)

Strana - 227

trum Petthrychewych captum et in castellum Also Zthwbycza praescriptum inductum fuisse et in captiuitate ipsa mortuum extitisse. Sciret praeterea, quod praedictum Stephanum Wamos colonum utriusque partis in oppido sub castro Zomzedwar existente commorantem tempore generalis dietae Regni Sclauoniae in platea praedictae civitatis Zagrabiensis, sub saluo conductu, idem Franciscus Tahy captiuari fecisset. Intellexisset etiam, quod eundem per multos dies in dira captiuitate detineri fecisset. Insuper et hoc intellexisset ab officialibus Suae Maiestatis in Zomzedwara, quod dictus dominus Franciscus Tahy domos superiores ad rationem praefatae dominae relictae in Zomzedwara cedentes eisdem officialibus remittere noluisset. Item egregius Michael Swgnethych iuratus et examinatus, fassus fuisset se scire, quod, cum ipse in praedicto castello Also Zthubycza per iamfatum quondam dominum banum prouisor fuisset constitutus, ante illud tempus prouisor praedictae dominae relictae olim Andreae Hennyngh Matheus nomine ibidem in castello constitutus propter metum dicti domini Tahy de domo sua discedere coactus fuisset. Et postea idem dominus Tahy domum illius pro allodio sibi occupasset, simul cum vineis. Dein pecora etiam illius, post eius discessum, pro se ademisset. Sciret et alios multos propter metum et tirranidem de bonis illis discessisse. Audiuisset etiam idem testis a quodam Kasnar, qui in iudicio praedicti Stephani vicecastellani praesens fuisset, quod licet ipse Stephanus non fuisset paena capitis juridice condemnatus, sed dominus Tahy dixisset eum occidi facere velle. Et postmodum audiuisset testis, quod Idem Stephanus obtruncatus fuisset. Deinde dixisset etiam, quod eum ipse testis una cum praefato Petro Petthrychewytth, seruitore dicti domini Tahy, ad castellum Rokonak

3 ad praefatum olim dominum banum, dominum scilicet suum, proficisci habuisset, tunc eis praefatus Joannes Zabo seruitor dictae dominae relictae obuiasset. Cumque paululum eos praeteriisset, dictus Petrus Petthrychewyth cogitabundus reuersus, eundem Joannem Zabo captiuasset et captum ad dictum castellum Also Ztthwbycza ad dominum Tahy, tunc ibidem existentem, duxisset. Cumque testis postea ex dicto castello Rakonak reuersus fuisset, Joannem Zabo in compedibus reperiisset, et postea idem Joannes Zabo in currum quendam positus ad Zomzedwara ductus fuisset; et postea quomodo illic mortuus fuisset, idem testis ignoraret. Hoc etiam certo sciret, quod dictus dominus Tahy in ciuitate Zagrabiensi praedicta praetactum Stephanum Wamos captiuari fecisset et ad Zomzedwara captiuum misisset. Qui postea ad petitionem dicti quondam domini bani et eius consortis per dominum Tahy dimissus extitisset. Item egregius Christopherus Palffy de Kapolna, iudex nobilium comitatus Warasdiensis, iuratus et examinatus, fassus fuisset se audiuisse, quod aliqui coloni predictae arcis Zomzedwara et castelli Also Zthwbycza propter tirranidem dicti domini Tahy in aliorum bona aufugere coacti fuissent, quorum domos, vineasque et res pro se ademisset. Audiuisset praeterea, quod dictus dominus Tahy Stephanum vicecastellanum capite plecti fecisset, licet jure mediante paena mortis condempnatus non fuisset. Et hoc intellexisset idem testis quod Ioannem quoque Zabo idem dominus Tahy captiuare fecisset et in carcerem positus mortuus fuisset. Et de captiuitate quoque iamfati Stephani Wamos audiuisset. Item feria quinta iterum sequenti egregius Paulus Puhakoczy iuratus et examinatus, fassus fuisset se certo scire, quod propter tirranidem praefati 227