ARHIVSKI VJESNIK 7-8. (ZAGREB, 1964-1965.)

Strana - 225

alias vicecastellani spectabilis et magnifici quondam domini Andreae de Bathor alias iudicis curiae et consiliarii dictae Maiestatis Imperatoreae etc, tempore vero exclusionis magnificae dominae Elenae consortis dicti domini Tahy ex dicto castro Zomzedwara, vicecastellani praefati domini Tahy in eodem castro Zomzedwara constituti, praedialis vero utriusque partis, in praescripta possessione Berdocz commorantis, interfuissent. Quod praefatus dominus Tahy contra dictum Stephanum vicecastellanum per certos nobiles viros iudicium administrari fecisset. Quem licet ipsi nobiles iuridice absolutum fore ab omnibus actionibus et aquisitionibus dicti domini Francisci Tahy contra eundem Stephanum propositis pronunciassent et délibérassent. Post latam tarnen et pronunctiatam sententiam, contra iudiciariam praedictorum iurisperitorum virorum deliberationem, iniuriose, sineque justa et légitima causa, idem dominus Tahy deliberative capite plecti fecisset. Hocque certo idem testis a fidedignis viris intellexisset, quod idem dominus Tahy quendam Joannem Zabo seruitorem generosae dominae Ursulae Meknyczer, relictae egregii quondam Andreae Hennyngh aliter Theyphempach vocati, in libera et publica via captiuari, captumque primum ad castellum Also Zthobycza, tandem vero hyberno tempore, pedibus et aliis membris nudatis, ad dietam arcem Zomzedwara deduci, ibique compedibus ferreis connici et in carcerem intrudi, tamdiuque ibidem deliberative asseruari fecisset, ut prae nimio frigore idem Joannes Zabo mortem obiisset. Et sic mortuo illo officiales praefati domini Francisci Tahy in dicto castro Zomzedwara constituti, pedes utrosque abscindi ac ferrum seu compedes de pedibus recipere fecissent. Item dixisset etiam idem testis se scire et presentem fuisse, dum quendam Stephanum Wamos dictum, colonum utriusque partis in oppido sub praedicto castro Zomzedwara existente comorantem, tempore generalis dietae Regni Sclauoniae in civitate Zagrabiensi repertum, sub saluo conductu, idem dominus Tahy captiuari fecisset, captumque tandem, prout idem testis certo intellexisset, in modium aquae submergi et sic eundem cruciari fecisset. Qualiter autem idem Stephanus Wamos ex ipsa captivitate dicti domini Tahy eliberatus fuisset, praefatus testis se nescire dixisset. Caeterum sciret idem testis, quod postquam dominus Tahy in dictum castrum Zomzedwara intromissus fuisset, per praefatum festem et egregium Joannem Forchych, tune vicebanum, dietam dominam relictam Andreae Hennyngh idem Franciscus Tahy rogasset et requisiuisset, quod domos superiores eiusdem castri Zomzedwara praefata domina relicta dicto domino Tahy habitandas daret, quod praefata domina relicta mediante sua fassione coram praescripto teste facta domino Tahy concessisset. Hocque certo idem testis sciret, quod officiales Suae Maiestatis in Zomzedwara non ultra quam duas domunculas in série mediocri dictae arcis pro habitationibus possiderent. Item egregius Joannes Forchych de Bwthynovacz, alias vicebanus Regni Sclauoniae, iuratus et examinatus fassus fuisset se scire, quod aliquot coloni ex pertinentiis arcis Zomzedwara et castelli Also Zthobycza propter metum dicti domini Francisci Tahy in aliorum dominorum bona discessissent; et ex una domo eorundem colonorum allodium pro se fieri curasset. De Stephano autem vicecastellano idem testis eodem modo fassus fuisset quemadmodum praecedens testis scilicet Joannes Petthrychewych. Praeterea, subiunxisset etiam idem testis se audiuisse ab egregio Michaele Swgnethych, quod praedictus Joannes Zabo per Petrum Petthrychewych, alias vicecastellanum dicti domini Tahy in praedicto castello Also Zthobycza constitutum, captivatus et in Zomzedwara inductus fuisset, ibidemque in captiuitate mortuus fuisset. Deinde, 15 Arhivski vjesnik Vir—

vm 225