ARHIVSKI VJESNIK 7-8. (ZAGREB, 1964-1965.)

Strana - 180

lictae ac Cunigunde et Annae, necnon puellae ac Michaelis Konzky, aliis etiam quamplurimis hominibus et seruitoribus, tarn ipsarum dominarum Ursulae relictae ac Cunigundae et Annae, necnon puellae Marthae et Michaelis Konzky, quam etiam praefati Andreae Meknyczer, tunc secum in eadem arce Zomzedwara existentibus et constitutis, in et ad praefatos nobiles Joannem Zadory ac Marcum Jurynych castellanos et Joannem Horwath vicecastellanum ac agiles Michaelem Laky et Andream Somoghy, pedites pixidarios et Georgium Zakach, seruitores dictorum exponentium per eosdem in annotata portione ipsorum possessionaria in dicta arce Zomzedwara habita constitutos et relictos, armatis et potentiariis manibus irruendo, ibique in eadem arce memoratum Joannem Zadory tribus globiš pixidum item gladiis fixoriis bis traiecissent et in terram deiecissent et captiuassent, captumque in quandam domum in arce habitam inclusissent, reliquos vero, Marcum Jwrynych castellanum et Joanem Horwath vicecastellanum, necnon agiles Michaelem Laky et Andream Somoghy ac Georgium Zakach modo simili captiuassent, captosque in carceres dictae arcis Zomzedwara coniecissent. Et sic tandem dominam Helenam Zryny ac praefatum dominum Franciscum Thahy, liberosque ipsorum, tam exponentes, quam etiam reliquos praenotatos, ex ipso castro Zomzedwara, consequenterque portione ipsorum possessionaria m eodem castro habita, exclusissent et excludi fecissent, praefato Joanne Zadory per triduum, reliquis vero Marco Jwrynych ac Joanne Horwath, item Michaele Laky ac Andrea Somoghy et Georgio Zakach in praemissa captivitate in eodem castro Zomzedwara una die et una noctae retentis, in eademque portione possessionaria eorundem exponentium in dicta arce Zomzedwara habita universas res et bona mobilia, ingeniaque belica arma ipsorum exponentium, tunc ibidem repertas et inventa, accepissent et accipi fecissent. Cunque praemisa mala dictae dominae Elenae Zryny ac memoratis filis suis exponentibus renunciata fuissent, mox eadem domina Helena Zryny unacum praefatis filiis suis ac pedisequis praenotatis exponentibus ad portam dictae arcis Zomzedwara regressi fuissent, quam statim annotatae dominae Ursula relicta et Cunegunda et puella Martha tunc praesentas clausissent et claudi fecissent, neque eandem dominam Helenam Zryny exponentem cum dictis filiis suis ac reliquis hominibus eiusdem in ipsam arcem Zomzedwara intromisissent. Quinimo cum praefatus Balthasar Thahy exponens ad pontem eiusdem arcis accessisset, portamque eiusdem iam elevatam manibus suis detrahere tentasset, idem a porta ipsius arcis pixidibus et aliis armorum generibus re depulsus extitisset. Cunque, iam post ipsam dolosam exclusionem, dicta domina Helena Zryny exponens, tristis et mesta, cum praenotatis filiis suis ac pedisequis exponentibus, penes murum eiusdem arcis residissent, interea temporis praefati Michael Konzky et dicta domina Anna consors sua cum multis seruitoribus ipsorum in praescriptam arcem Zomzedwara ingressi fuissent. Quibus ingressis paulo post praefatae dominae Ursula relicta et Cunigunda et Anna, necnon puella Martha et dictus Michael Konzky missis et destinatis quamplurimis hominibus et seruitoribus, colonisque ipsorum, armatis et potentiariis manibus in et ad praefatam dominam Elenam Zryny et dictos duos filios suos exponentes et pedisequas exponentes, tunc modo praemisso secum existentes et penes murum dictae arcis Zomzedwara sedentes, irruendo, ibique eosdem dominam Helenam Zryny ac dictos duos filios suos exponentes enormibus vituperiis et grauissimis verberibus affecissent et affici fecissent. Eosdem dominam Helenam Zryny et dictos duos filios suos exponentes circiter 180