ARHIVSKI VJESNIK 7-8. (ZAGREB, 1964-1965.)

Strana - 176

et juribus possessionariis ad eadem pertinentibus nulla unquam inter easdem partes realis diuisio celebrata fuisset, sed prouentus tantummodo et emolumenta ex eisdem universis bonis et juribus possessionariis quocunque tempore prouenire debentibus inter easdem partes temporibus semper debitis et consuetis in duas coequales portiones divisi et partita extitissent, eorundemque prouentuum una directa et aequalis dicto quondam Andreae Hennyngh et per consequens ipsis dominae et puellis exponentibus, altera vero similiter directa et aequalis dimidietas annotatis dominis Andreae et Nicolao de Bathor cessisset, dataque et administrata fuisset; praefatusque Andreas Hennyngh donec vixisset una cum ipsis domina et puellis exponentibus filiabus suis in reali et pacifico usu et possessione dimidietatis eorundem castri et castelli ac universorum bonorum et jurium possessionariorum ad eadem pertinentium, emolumentorumque et utilitatum eorundem perceptione modo et ordine praedicto fuisset, prout eadem domina et puellae exponentes existèrent etiam modo; verum praefati domini Andreas et Nicolaus de Bathor, nescitur quibus considerationibus ducti, totales portiones ipsorum possessionarias in praedictis castro et castello, bonisque et juribus possessionariis ad eadem pertinentibus, directam scilicet et aequalem medietatem eorundem castri et castelli, quoad domos modo praenominato limitatas ac universorum bonorum et jurium possessionariorum ad eadem pertinentium cum praenominatis exponentibus ut praefertur simul et indiuise possessorum ipsis dominae et puellis exponentibus, utpote legitimis successoribus, indiuisisque possessoribus huiusmodi bonorum prout juxta Regni leges et décréta debebant, minime requisitis aut admonitis, immo penitus insciis et ad non consentientibus, contra jus successionis, indiuiseque possessionis eorundem, contraque Regni décréta in et pro certa summa pecuniaria magnifico domino Francisco de Tah, agazonum regalium magistro, eisque haeredibus diuendidissent, eundemque dominum Franciscum de Tah circa festum Beatorum Viti et Modesti martyrum proxime praeteritum in dominium huiusmodi dimidietatis praescriptorum castri et castelli ac perceptionis prouentuum bonorum et jurium possessionariorum ad eadem pertinentium, ipsis dominae et puellis exponentibus ignorantibus et nullatenus ad id consentientibus introduxissent, atque collocassent; huiusmodique dimidietatem ipsorum castri et castelli ac prouentuum et emolumentorum bonorum et jurium possessionariorum idem dominus Franciscus de Tah vigore et titulo huiusmodi emptionis et introductionis teneret et possideret etiam modo, in graue praeiudicium earundem exponentium, juriumque suorum derogamen manifestum. Et quia praefati domini Andreas et Nicolaus de Bathor praedictam dimidietatem praescriptorum castri et castelli pertinentiarumque eorundem universarum in praejudicium et derogamen jurium earundem dominae et puellarum exponentium vendere et abalienare minime potuissent, sed emptio huiusmodi dimidietatis castri et castelli ac bonorum et jurium possessionariorum ad eadem pertinentium, fructuumque et emolumentorum eorundem non ipsum dominum Franciscum de Thah, sed easdem dominam et puellas exponentes legittime concernere dinoscatur. Ob hoc eaedem domina et puellae exponentes huiusmodi fassionem et venditionem dictorum dominorum Andreae et Nicolai de Bathor jure cassare et retractare ac de et super huiusmodi pecuniae summa, pro qua videlicet praescripta dimidietas dictorum castri et castelli bonorumque et jurium possessionariorum ac emolumentorum, apud manus praefati domini Fracisci de Thah vigore praescriptae venditionis haberetur, communi estimatione mediante, quatenus ipsa communis estimatio in hac parte de jure admitteretur, alio176