ARHIVSKI VJESNIK 7-8. (ZAGREB, 1964-1965.)
Strana - 174
Tertius testis reverendus dominus Georgius de Heressyncz, custos et vicarius dictae ecclesiae nostrae, socius scilicet et concanonicus noster, ad puritatem conscientiae suae requisitus et examinatus, fassus est, quod ipse audiuisset a multis hominibus, qualiter praefatus dominus Bathory officialibus suis mandasset ne ipsum Michaelem Konzky in castrum Zomzed immisissent; de aliis nil seit. Quartus testis reverendus ac venerabilis dominus Thomas Dyanvary archidiaconus Dubicensis, itidem socius et concanonicus noster, requisitus et examinatus ad puritatem conscientiae suae, fassus est auditu per omnia ut tertius testis. Quintus testis egregius Stephanus Bosnyak, vicecastellanus eiusdem castri Zomzed, requisitus, adiuratus et examinatus, fassus est scitu per omnia ut praecedens testis. Et quod idem Gregorius Myndzenthy et quondam Marcus Feryerwary castellanus sepius eidem testi mandassent ne eundem Michaelem Konzky in castrum immisisset. Etiam idem hoc addidit, quod semel expectabatur aduentus ipsius Michaelis Konzky, dictusque condam Marcus castellanus cum framea ad inferiorem portam eiusdem castri venisset ac ibidem dixisset, quod inquit prius meum caput amputabitur quam ipse Michael ingredietur. Sextus testis egregius Joannes Beryzlawych de Kysmlaka, requisitus adiuratus et examinatus fassus est auditu quod ipse audiuisset qualiter dictum Michaelem Konzky in dictum castrum praefati domini Bathori et Hennyngh intrare non permisisse(n)t, sed quando illuc venisset extunc apud domum genorosae dominae Marthae Zenthlaczloy sub eodem castro condesce(n)diset; ac ibi ex dicto castro uxorem sibi mittebant, quae tandem mane rursum in dictum castrum reuertebatur, ipse vero Michael ad negotia sua proficiscebatur. Septimus testis egregius Nicolaus Feyer de Odrazenthgerghi requisitus, adiuratus et examinatus, fassus est ut sextus praecedens testis. Octauus testis venerabilis dominus Marcus plebanus ecclesiae Sanctae Trinitatis in Also Zthobycza requisitus ac ad puritatem conscientiae suae examinatus, fassus est scitu, quod Michael Konzky libère ante mortem dicti condam Andreae Hennyngh ad praedictum castellum Also Zthobycza ambulasset, sed post mortem dicti condam Andreae Hennyngh non fuit sibi liber aditus; nesciret tarnen quam ob causam. Quiquidem Michael etiam praesens fuisset quando dictus Andreas Hennyngh mortuus et sepultus fuisset. Nonus testis egregius Caspar Kassnar de Felsew Zthobycza, iudex nobilium comitatus Zagrabiensis, requisitus, adiuratus et examinatus, fassus est scitu ut octauus praecedens testis. Decimus testis egregius Andreas Folnogyewych de Lepawez, requisitus, adiuratus et examinatus fassus est scitu ut octauus testis. Undecimus testis egregius Georgius Raskay de Felsewztobycza requisitus, adiuratus et examinatus, fassus est scitu ut octauus testis. Duodecimus testis nobilis Michael litteratus, notarius noster, requisitus, adiuratus et examinatus, fassus est in hunc modum: quod ipse Michael Konzky praefatos dominos Andream de Bathor ac alterum Andream Hennyngh ratione portionis dictae dominae consortis suae ex bonis dictorum castri et castelli iuxta regni consuetudinem provenire debentis euocasset. Et addidisset idem testis auditu per omnia prout sextus testis. Decimus tertius testis egregius Franciscus Bornemysza aliter Ztholnykowycz de Mykwlych requisitus, adiuratus et examinatus, fassus est scitu, quod 174
