ARHIVSKI VJESNIK 4-5. (ZAGREB, 1962.)

Strana - 133

Ra Sisak, 1823. decembra 8. Zakupci sisačke skele (broda) na rijeci Kupi T. Hergešić i L. Brkić tuže Zagrebačkom kaptolu Imbru Crnica što na njihovu štetu prevozi svojim čamcem preko Kupe razne ljude. SZLAVNI KAPTOLOM Gozpoda najmiloztivnesha! Gozpodar Imbro Chernich leto ovo, kak vre 16-a marcziusha y 20-ga novembra iztoga leta 1823 gozponu provizoru Sziszechkomu tusbu dali jesmo, nam z dola podpiszanem arendatorom broda gospoczkoga prek Kupe vu Sziszku vishe od 80 ranyski szrebra z prevasanyem lusztva vu chamczu szvojem, na trucz ne znam, ali nam arendatorom, ali gozpode szvojoj y nashoj kvara napravu je, ar on neszamo lusztvo za lajde gozpodina biskupa, nego vnogeh đrugeh tak tergovczev koji vu magazin gozpodara Chernicha lajde iztovorivali, y t.umbasze vszakojachke natovorivali jeszu, kak y lusztvo koje mi prek prepelyavati dali ie'rzmo, ztem dokonchkom da kada nazat poverneju size platili budu, iszti gospodar Chernich prevasati je dal y nam peneze koje dobiliti bi bili imali iz ruk iztergel je, ter z takvem nachinom nam arendatorom veliki kvar napravil, je iztina je, da gozpodar Chernich za szvoju szamo drusinu za prevasanye, ne pako na vsze lusztvo koje prek iduche na leto dan za 10 ranyski pogodil sze je. Kajti pako nikakove zadovolschine iz gore rechenoga gozpodara Imbro Chernich od gozpona provizora dobili ne bi bili, zato vu vszoj poniznosti vtechemo sze szlavnomu Kaptolomu gozpodi najmiloztivneshoj da gori imenuvanoga vu 80 ranyski szrebra kvara nam nadomesztiti odluchiti y nam vu arendi odpusztiti ,ali iz tuliko puta imenuvanoga Chernicha naplatiti dati bi doztojal. Koju miloschu zadobiti ufajuchi sze ruke szlavnoga Kaptoloma gozpode najmiloztivneshoj kushujuchi oztajemo. Vu Sziszku 8-ga decembra 1823. Szlavnoga Kaptoloma najponizneshi szluge Thomas Hergeshich m. p. Luka Berkich broda sziszechkoga arendatori. Kpt. arh. Jur. I 61. 2580 8b Sisak, 1823. novembra 19. Popis gospodara lađa u Sisku, sastavljen prigodom spora između zakupnika skele i I. Cmića. Popiszane lajde y tumbasze koji szu sze pri magaczinu gozpodara Imbre Chernicha, ztovorivale, za ove lajde y tumbasze lyude koji szu ztovorivali lajde y tumbasze natovorivali nye je dal vu chamczu gozpodar Imbro Chernich prevažati ovoga leta 1823. Lajda Veszmarova, lajda Shebeticheva, lajda Filipovicheva, lajda Vraniczarova, Lajda gozpona Grabrine, lajda Chavrakova, lajda Gorsheticheva ove szu sze ztovorivale. —133 —