ARHIVSKI VJESNIK 4-5. (ZAGREB, 1962.)

Strana - 117

3f Sela (kod Siska), 1818* septembra 22. Ivan Lerhinger ličilac sklapa ugovor sa Sisačkom gospoštijom o Učilačkim poslovima na dvjema novim gospoštijskim lađama. CONTRACT koji nadoli poztavleni dattum med menum Imbrum Varjachich imanya Sziszek na szlavni Kaptolom zagrebechki zpadajuchega provizorum i Jankom Lerhinger mallarom zbog malanya dveh gozpoczkih ladyh dobrovolno napravlen je na szledechi nachin naimre 1- ich. Od ztrani perve ja Imbro Varjachich rechenoga imanya provizor dajem ladye dve gozpoczke zkupa cherdaki dvemi zelenom y Silberfarb farbum farbati dobro lepo-sznasno y dva puta gruntirati dobro. 2- och. Cherdak od zvana zelenom farbum vesz pofarbati lepo y dobro po kojem gde sze priztojalo bude suti portur okolo oblokov poztaviti y znutra cherdak lepe figure zeleno y Rosen farbum y vszakojachke figure napraviti meister Lerhinger đusen bude. 3- ich. Da vishe puti recheni meistor taki dojduchi tjeden delo poprije y izto kada czimermani y tishlar gotovi budu zvan ako tak szlochezto vreme bi bilo da malati ne bi mogel pod kastigo 200 conventionalis monetae dogotoviti mora. 4- ich. Ako recheni meisztor'od Contracta ovoga odztupiti hotel ali odztupil, tak onda szlobodno bude gospochi na nvegov ztrosek mallara za ladye malati drugoga pogoditi, y iz nyegovoga naplatiti kak y onda ako kaj drugo pripetilo bi sze, koj za takovo izplachanye vesz szvoj imetak gibuchi y negibuchi kade S'oder imani y iztu persono zavesujem kak y onda ako bi sze iznaslo da dobro lepo y sznasno pomalano ne bi bilo izti gozpochi izrucha tak da szebi gozpochia iztoga imanya Sziszek prez vszake pravde y neprilike zadovoliti y naplatiti taki mogla bude. 5- ich. Imenuvani meistor Lerhinger zavesuje sze da on za vsze na lyadya vrata y obloke malanje da tak oztane kak on pomala za 5 let dober ztoji pod kastigo iztoga ztroska na takove vuchinyenoga zvan po lyüdih na lyadye zrokuvanoga. 6-ich. Obecham od ztrani izte gozpochie rechenomu meiztoru za gori imenuvanu delu y nyegovu olye y farbu vszu ob negovi kosti dobro i sznasmo vuchinenu za obedve lyadye dve zto trideszet raynicki vu szrebru platiti y taki za kupovanje farbe 50 for. dati kak takaj y potlam kuliku potrebno bude za dugovanya kupuvati y kostu izplachati. Od ztrani druge ja Janko Lerhinger na vsze gore rechene condiczie dobrovolno privolujem y izto persono zavesujem. Zarad veksega verovanya obodve ztranki ov Contract napravlen je y od vszake ztrani z laztovite ruke podpizkom podpiszan, y vszakoj ztranki jeden predan. Na Szella 22. septembra 1818. Joannes Lerhinger m. p. Imbro Varjachich m. p. maller imanya Sziszek provizor Kpt. arh. DSS 300 — 117 —