ARHIVSKI VJESNIK 4-5. (ZAGREB, 1962.)
Strana - 114
provisorom, od druge pako med Franczom Koczianchiehern, tishlarom zbog delya tishlarzkoga na dve ladye rechenoga kaptoloma zpadajuchega dobrovolno nachinen je, na szledechi nachin, naimre 1- vioh da recheni tishlar Francz Kochianchich delo tishlarzko na dve ladye zpadajuche vsze pošteno, sznashno, lepo, jako y gde figure potrebne budu, figure na obodve ladye, na jednu anda szledecha, push izcifrati, lepo, nabashnache dve, zachelo z dvemi vrati, cherdaka vszega szoblànemi deszkami tak znutra.kak iz zvana obiti, pod y prosznicze sznashno, vu izti cherdak ztol jeden za piszati, ztolcze tri, posztelu jednu, y jeden ormar, od zdola za poszudje od zgora za kupicze y flasche Schneck Kasten zvan, na izti cherdak obloke çhetiri na ovë obloke iz zvana shalupolke, vrata nuter troja, y vanzka dvoja z dvemi fligili, iliti peri, kolibu za momke vszu tak znutra, kak y zvana szoblenemi deszkami obiti, y vu iztoi kolibi gde momki zpali budu, obloke chetiri na ove obloke shalupolke, jednu policzu za loncze, y tanere, vrata nuterna dvoja, y zvanzka z dvemi fligili dvoja, iz kolibe vu hambar jedna vrata, nafarnache lepo izcifrati, sinszave, zadnich kurugle lepo y jako obiti, ter na obodve ztrani vrata, kak y druga vsza na ladye zpada jucha ter ovde neimenuvana, tak da ova vezda rechena, y popiszana szamo na jednu ladyu specificerana jeszu, koja izta y na drugu potrebna ladyu zvan chavlov y deszek gozpoczkih, iz szvojega oszebitoga do zaidnega Juliusha letta tekuchega 1818. napraviti y dogotoviti zavesuje sze. 2- och. Od ztrani gori rechene gozpochije szlavnoga Kaptoloma zagrebechkoga imenuvanomu tishlaru Franczu Koczianchich za delyo od jedne ladye vu gotovom novczu y to vu szrebru shezdeszet rainiehky, y kukuruze vagane tri, anda od obodveh ladyih 120 for. ykukuruze vaganov 6, dati obechujem, y to vezda 20 for. po dokonchanom pako delyu 100 for. 3- tich. Ako bi sze po iztoj gozpochiji iznashlo, da delyo rechenoga tishlara Koczianchich dobro, sznashno, y lepo napravleno ne bi bilo, vu vremenu iznadyena za czeli szvoj trud, y delo, od rechene gozpochije nikaj potrebuvati imal ne bude, da pache vesz kvar gozpochiji prez vszake pravde, y neprilike zevszem szvojem gibuchem, y negibuchem gdegoder imanem imetkom naplatiti zavesuje sze. 4- tich. Ako visheputi recheni tishlar od contracta ovoga odztupiti bi hotel, y odztupil bi, onda tolikoputi rechenoj gozpochii pedeszet rainiehky vu szrebru prez vszake pravde, y neprilike platiti zavesuje sze. Od ztrani druge ja Francz Koczianchich na vsze gori rechene conditie meni prestete, y razmete dobrovoljno privolujem. Za vekshe veruvanye y obodveh ztrankih szegurnozti, jedne y druge ztranki ov za contract vu dveh parih z lasztovite ruke podpiszkom ob jachen, y vszakoj ztranki jeden predan vu gradu Sziszku dana 16. aprila 1818. Emericus Varjachich m. p. Francz Koczianchich m. p. inclyti Dominu Sziszek tishler majzter provisor. Coram me Nicolao Chuk m. p. cooperatore Sisciensi qua teste requisite. • Kpt. arh. DSS 300 — 114 —
