ARHIVSKI VJESNIK 1. (ZAGREB, 1958.)

Strana - 388

commisimus fore convictos, si se racionabiliter non poterint excusare. Datum Bude quadragesimo secundo die termini prenotati, anno domini miilesimo quadringentesimo septuagesimo sexto. Quibus exhibitis idem Georgius Ablancz, procurator ipsorum iudicis et iuratorum ciuium ipsius ciuitatis Warosdiensis, allegauerat eo modo pro si iuri consonaret et equitati videretur extunc ipsi annotatos Nicolaum, filium [filium] Ladislai Herk, nec non Stephanum, filium Balthasar de Zayezda, nobiles dominas Elisabeth et Dorotheam de Zabochyna, ac prefatum dominum Osualdum, episcopum ecclesie Zagrabiensis, ad premissa contra se regiam in presenciam legittime facere vellent evocare. Et quia ydem ad premissa euocandi visi fuerant pro eo vestram amiciciam litteratorie pecieramus diligenter, quatenus vestrum mittetis hominem pro testimonio fidedignum, quo présente homo regius infra declarandus memoratos Nicolaum, filium Ladislai Herk, Stephanum, filium Balthasar de Zayezda, dominas Elisabeth et Dorotheam de Zabochyna ac prefatum dominum Osualdum, episcopum ecclesie Zagrabiensis, prescriptas litteras et litteralia instrumenta exhibituros nec non de dictis iudicys trium marcarum et duppla earumdem nobis et parti aduerse satisfacturos contra annotatos iudicem et iuratos ciues dicte ciuitatis Warosdiensis ad octauas festi beati Iacobi apostoli tunc venturas regiam euocaret in presenciam et post hec huiusmodi euocacionis Seriem cum euocatorum nominibus, vt fieret expediens, octauas ad predictas dicto domino nostro regi fideliter rescriberetis. A quibus quidem octauis dicti festi beati Iacobi apostoli premissa instrumentalis exhibicio partes inter easdem seriebus litterarum nostrarum prorogatoriarum ventilandarum ad présentes octauas festi beati Michaelis archangeli dilatiue a-ttigisset. Tandem ipsis octauis instantibus Gregorius Pethrothe de Dedynareka pro eisdem iudice et iuratis ciuibus ciuitatis Warosdiensis cum procuratorys litteris eorundem nostram veniens in presenciam, literas vestras super ipsam euocacionem ad amicabilem litteratoriam nostram peticionem prefato domino nastro regi rescriptas, rescripcionales nobis presentauit, in quibus per Michaelem de Zuhodol regium ac discretum virum Gregorium, presbiterum chori dicte ecclesie vestre prebendarium vestrum homines, feria quarta proxima ante festum beati Elie prophète tunc proxime preteritum Nicolaum, filium Ladislai Herk in possessione sua Dymytrocz, dominas Elisabeth et Dorotheam, filiam eiusdem de Zobochyna, in porcione earumdem possessionaria in possessione Ezbelew habita, item prefatum r(euerendum dominum) Osualdum, (episcopum Zagrabiensem), in possessione sua Byskwpcz vocata, contra annotatos iudicem et iuratos ciues Warosdienses ad exhibendas pretactas litteras et litteralia instrumenta nec non de iud(icys trium marcarum et) duppla (earumdem nobis et) parti aduerse satisfaciendum ad octauas festi beati Iacobi apostoli tunc venturas regiam in presenciam euocatos fore comperimus manifeste. A, (quibus) quidem octauis dicti festi beati (Michaelis ar)changeli prefatus (Nicolaus, filius) condam Ladislai Herk de Zayezda, ac nobiles domine Elizabet et Dorothea, filia eiusdem de Zobochina, nec non reuerendus dominus (Osualdus), episcopus ecclesie Zagrabiensis, per prefatum Gregorium Pethrothe de Dedynareka, procuratorem dictorum iudicis iuratorumque ciuium dicte ciuitatis Worosdiensis in personis eorundem congruis diebus ipsarum octauarum coram nobis expectati prefatas litteras et litteralia ipsorum instrumenta exhibituri nostram in presenciam non venerunt neque miserunt et nec persoluerunt iudicia prenotata. Se pro eorum non veniencia in iudycys consuetis et pro non solucione dictorum iudiciorum in dupplo eorumdem mediantibus alys litteris nostris iudicialibus exinde confectis aggrauari permiserunt, postulando prefatus Gregorius Petrothe, legittimus: procurator dictorum iudicis iuratorumque ciuium ciuitatis Warosdiensis, eisdem ex parte memoratorum in causam attractorum per nos in — 388 —