Dénesi Tamás (szerk.): Collectanea Sancti Martini - A Pannonhalmi Főapátság Gyűjteményeinek Értesítője 7. (Pannonhalma, 2019)
III.Forrás
208 Dénesi Tamás 4. Franz von Kaltenhausen St. Lambrecht-i apát levele Chrysostomus Scupina mariazelli superiorhoz 1688. december 26., St. Lambrecht StiAL, Faszikel Ungarn (Eredeti, az apát vörös gyűrűspecsétjével ellátva.) Reverende in Christo Dilecte Pater. Ad vota tam ardentia, quibus Venerabilis Conventus ad Sanctum Martinum in Hungaria, in electione novi abbatis, postularunt [!] Patrem Martinum pro abbate non potui denegare consensum, cum videatur equidem haec postulatio cedere in bonum ordinis, ac illius monasterii incrementum, mitto hic copiam responsi dati ad conventum, interim siquidem Pater Martinus non poterit expectare meum adventum, sed pro accipienda investitura utique se statim Viennam et in Hungariam conferat, scripsi illi, ut claves ad Thesaurariam consignet patri, quas interim usque ad meum adventum, et faciendam desuper ulteriorem dispositionem servabit ad manus. De reliquo cum modo non possim loquere, et dicto Patri Martino valedicere, spero, quod brevi sit iterum venturus in Cellas, ut pluribus possim cum ipso adhuc loqui. De procuratis 4 centenariis husonis nihil ab ipso audivi, nec ullas litteras accepi. Gratum interim accepi esse aliquem spei de hoc accipiendo, modo ante ipsius Patris Martini discessum accipiatur ab ipso informatio, ubi de hoc sit inquirendum. Mandavi alias iam in autumno, ut Neostadii apud Dominam Amblingin deponatur, ubi etiam praefecto granarii Afflentini [?] mandavi solutionem desuper eo mittendam, nobis [?] pretium innotescat. Commendo me precibus. In Monasterio 26 decembris 1688. Franciscus abbas
