Dénesi Tamás (szerk.): Collectanea Sancti Martini - A Pannonhalmi Főapátság Gyűjteményeinek Értesítője 7. (Pannonhalma, 2019)

III.Forrás

Új források Rumer Márton főapáttá választásának... 205

ac totus Sacer Conventus, votis miselli, pro pastore supplicantis, sine pastore gregis: dignetur agere vicus magni Patris nostri, Filium Gremii sui nobis dando in patrem; moveat penetralia cordis, Sacri Ordinis in Hungaria, tam necessaria promotio; moveat ipsa nobilitas Hungarica, votorum nostrorum iam ubique conscia; immo moveat et dignitas primatum una cum Sacratissima Majestate, huic tam gratiosae inaugurationi (congratulando nobis) subscribens; Verbo, moveat et ipsa Immaculata Dei Parens, quae iam emerito servo suo P. Martino hoc centaplum dignitatis in hac vita, pro fideli servitio dignata est impetrare, posthac et vitam aeternam ipsi impetratura.

Propter haec igitur motiva, credimus Reverendissimam ac Amplissimam Dominationem totumque Venerabilem Conventum eiusdem, nobis, rem tam salutarem postulantibus, nil tale denegaturos, quinimo Patri Ildephonso nostro Cellis constituto gratiosissime quantotius responsuros.

Dabamus in Archicoenobio nostro Sancti Martini in Hungaria Anno 1688. die 13 Decembris.

Reverendissimae ac Amplissimae Dominationis Vestrae

totiusque Venerabilis Conventus Supplices Confoederati Conventuales Monasterii Sancti Martini in Hungaria Ordinis Sancti Patris Nostri Benedicti

PS. Si Reverendissimae Dominationi, ac Venerabili Conventui difficile est, carere opera ipsius, dignentur imaginari sibi, quod si hic et nunc moreretur, deberent irrevocabiliter carere servitio ipsius, cum tamen hic semper promptus poterit esse.