Dénesi Tamás - Dejcsics Konrád (szerk.): Collectanea Sancti Martini - A Pannonhalmi Főapátság Gyűjteményeinek Értesítője 2. (Pannonhalma, 2014)
II.Közlemények
A CELLDÖMÖLKI BAROKK MONOSTORÉPÜLET TÖRTÉNETE... 145 FÜGGELÉK 1. Feljegyzés a monostorépítésről a templom protokollumában (PFL DAL, fasc. 3. nr. 9. Protocollum ecclesiae Dömölkiensis) Anno 1760. die 14. mensis Martii Divina auxiliante gratia hujus novi Dömölkiensis aedificii ad Divam Thaumaturgam Kiss-Cellensem imposuit primum lapidem fundamentalem ejusdem Abbatiae pro eo tunc administrator admodum reverendus pater Samuel Vajda Ordinis Nostri Sancti Patris Benedicti ad Sanctum Martinum de Sacro Monte Pannoniae professus et sacrae theologiae professor emeritus, qui erecto utcunque fundamento in Abbatem Tihaniensem promotus et translatus est. Huic in officio administratoris successit admodum reverendus pater Emericus Mákoczi ejusdem ordinis et loci professus, qui juvante Deo et industria sua in continuando ejusdem residentiae aedificio adeo progressus est, ut erectis quatuor in superiori, et totidem in inferiori condignatione honestis cubiculis anno 1763. die 5. Octobris ipso festo Sanctorum Placidi et caeterorum martyrum duplicatam crucem ferream unius centenarii utcunque deauratam supra frontispicium futurae portariae cum pulsu omnium campanarum, tubarum et timpanorum sonitu gloriose elevati et erigi fecit. Anno eodem utpote 1763. die 17. mensis Octobris tres reverendi patres videlicet pater Reginaldus, pater Gregorius et pater Bonifacius in tribus cellis inferioribus novum habitaculum cum gaudio susceperunt, imo ipsa die relicto antiquo refectorio ad novi aedificii primum satis amplum cubiculum, alias pro hospitibus in futurum deserviendum, interim pro refectorio adhibendum, idem reverendus pater administrator delatis mensis primam caenam cum sibi adhaerentibus charissimis confratribus patre videlicet Reginaldo, reverendo patre Gotthardo, reverendo patre Zorardo, patre Gregorio, Roberto, item reverendo domino Alexandro Benkö, fratribus item laicis fratre Tobia, Georgio Feszt et pallerio murariorum cantantibus musicis hymnum de S. Solanno sumpsit. Die vero sequenti utpote 18. Octobris ipso festo Sancti Lucae Evangelistae primum prandium in eodem interimali refectorio sumpsimus, quod reverendissimus dominus Thadaeus Scrabel ex Regia Cannonia Gradicensi ad Olomocium Ordinis Praemostratensis professus et simul praepositus Csornensis cum adjuncto sibi admodum reverendo patre Henrico Churcz ejusdem ordinis in Polonia professo sua gratiosa praesentia condecoravit. Anno 1764. die 30. Junii sub admodum reverendo patre Emerico administratore erecta est lapidea statua Beatae Mariae Virginis in Caelos Assumptae ad frontispicium portariae inter pulsum omnium campanarum et clangorem tubarum ac timpanorum, spectante copioso populo huc pro devotione adveniente, quae summopere condecorat ipsum novum aedificium. 1764. die 26. Octobris reverendus pater Gotthardus, die vero 30. ejusdem mensis reverendus pater Zorardus ex antiquo aedificio transportarunt se ad superius novum aedificium. Die 21. Novembris ipsa die Praesentationis Beatae Mariae Virginis admodum reve rendus pater Emericus administrator, relicta pro muribus antiqua residentia contulit se ad
