Evangelischen gymnasiums, Bistritz, 1862
35 daher ich vnd mir alle nicht allein geldt verloren hetten, müsten darczu den spott auch haben, Sein Studium soll er also anwenden, das man seiner auch gebrauchen möge , gott gebe, wie vor gesagt, In geistlichen ader zw weltlichen Sachen, Wen er solchs thnn wirdt, also wirdt er ein gehorszamer Sun seiner eitern erfunden werden, vnd sintt dem moll ich vernomen hab, das dw mein Son andrea, dir fürgenomen hast weitter zw wandern deiner lere halben, so gebe dir Gott seinen heiligen geist, vnd der Engeil Gottes sey all Zeitt mitt dir, Ich verhelfe, das franciscus bysz hiher gelernet hatt, wie er sich halden, wie vnd wem er sein geldt auszgeben vnd für strecken soll, vnd das er sich auch für böser wnnüczer geselschafft hätten soll welche weder Gott, weder yre eiteren, für äugen haben, gedencken auch nicht, das man sie studirens halben vnd nicht schwel- geray halben, mit grosser czerunck ausz gesandt hatt, solche soll er meiden, vnd soll allein schawen au ff das ende, warumb er geschickt sey, Weitter aber zu wandern, soll er zw frieden sein, vnd yn der czeit, das das wandern gescheg, mag er lernen, es ist ein gutter wander wege, von wyttemberg bysz Zw Nősen. Wo er in dieser vnserer meynung wandeln wirtt so wird es ym nucz brengen, vnd wirdt seiner elitem willen erfüllen. Der halben so schicke ich ym auch mehr geld auff studiren vnd nicht auff wandern. Er mag nu für sich selbst sein geld woll ausz geben, so er anders fürsichtig sein will, das er keines andern .yn deiner stelle, wen du abzeugst, bedarffe. Doch bitt ich dich mit hohem fleisz, dw wöllst ynen getreulich yn allen Sachen warnen vnd vermahnen, vnd nemlich das er czeit vnd geld nicht vmbsonst ader vmb spottens verczere--------—her an ym gethan host mit sorgen, mit wntterweisung vnd yn seinem cranckthumb seiner fleissiclich gewarttet hast, des sag ich dir grossen Danck, vnd wo es die czeit also bringen wirdt, will ich solchs widerwmb mitt dienst vnd danckbarkeit vergelten. Was ich aber nicht werde können erstatten , das soll dir Gott erstatten, der ein belhoner ist aller gutter. werck, dieser allmächtiger ewiger Gott, sey dein meines Suns, vnd aller so Gott für äugen haben, beschyr- mer vnd beschüczer. Datum Zw Nősen am 17 Septembris Im iar 1563. Gr iger Daum geschworener des Raths Zw Nősen etc. 3*
