Bács megyei püspöki körlevelek, 1940
2 I. Themata pro Corona aestiva: a) Adm. Rev. DD. Parochi et rectores ecclesiarum secundum morem hucusque vigentem conscribent facta majoris momenti infra ambitum parochiae suae evenientia; descriptio eorum habeat relationem ad vitam pastoralem: quid conferant ad operationem ecclesiae et ad munus sacerdotum et negotia loci; adponatur textus ex aliis libris excerptus, qui inferendus erit in partem introductionis libri chronici; in Curia idem machina excutietur et libro contegetur b) Ceteri vero Rev. DD. sacerdotes in scriptis conferant sua cogitata de institutione Congruae cooperatorum, quae nunc observatur, in tribus partibus et quidem: 1. In quonam consistat ipsum institutum Congruae cooperatorum; cujus sit jus et bonum, ejusque observatio in qua ratione obligans; qualem relationem habeat ad rationes in conscientia dirimendas; quid ad materiam ejusdem pertineat? 2. Negotia ejusdem a commissione Cc expediuntur; hujus est mensiles conspectus advigilare; computationem annorum sacerdotii, partitionem proventuum stolarium et accidentium aspicere et observationem procanonum inspicere. Dni, quorum interest, observationes suas circa exarationem conspectus sive immediate ex proprio usu cognitas, sive mediate auditas describant. 3. Quomodo melior modus, directio Cc et accuratior computatio desiderari, quomodo proventus Cc tutius servari et augeri possent; praesertim quales abusus comperiuntur et quomodo procanones 141—145. CB observantur? Omnia in caritate sine offenso enumerentur. II. Themata pro Corona autumnali: a) Adm. Rev. DD. Parochi compilent seriem concionum secundum Librum praedicationum pro anno sequenti; cum hoc anno major pars praescriptarum serierum absolvatur, materia totius disciplinae disponatur et in Libro consignetur, ut materiae tota substantia pro futuro construi possit. b) Novum Manuale rituum typis traditum est et eodem ad manus accepto, cum cointelli- gentia Adm. DD. Parochorum, Rev. DD. cooperatores consignant abusus, in quibus partibus ritus singuli in parochia vigentes a praescriptis normis divergunt; in Corona vero pertractetur, quomodo omnes functiones ad eundem ritum redigi poterint. Suboticae, die 3. januarii a. 1940. His Litt. Cire, adcluduntur pagellae pro additamentis matricularibus concinnandis necessariae; conspectus hic numeris arabicis, et non notis numeralibus, conscribatur et ad Curiam ante ceteras relationes mittatur. Suboticae, die 3 januarii a. 1940. Juxta procanonem 22. a) omnes sacerdotes nostrae dioecesis quovis tertio anno Ordinario se sistere obligantur, et praesentibus rogantur, ut huic officio satagere velint eadem cum caritate, qua ab Ordinario exspectantur et recipiuntur. Annus tertius simplicissime calculetur differentiam annorum ordinationis et currentis per tria sine residuo dividendo. Ex gr.: Qui ordinatus est a. 1922. (1940 — 1922 =18:3=6) cum differentia sine residuo dividi possit, annum synodalis visitationis habet; hinc visitationes hoc anno peragendae habeantur: 1937., 1934, 1931, 1928... etc. In relatione comparanda pagellae a Curia petantur vel secundum ordinem in Litt. Cire. 1939. p. 2 nr. 200 procedatur. Suboticae, die 3. januarii a. 1940. In coetu Consultorum aestivo ex mandato Ordinarii insistebatur, ut in quavis parochia constituatur culturalis et humana sectio Consilii catholici (Litt. Cire. 1939. p. 11.) et dein in autumno Coetu urgebantur constitutiones cul- turalium comitatuum infra ambitum Communitatis catholicae (Litt. Cire. 1939. p. 15 ); commissiones culturales hujus modi existunt in Communitatibus acatholicis et per easdem operatio patet libera inter parochianos ejusdem loci, influxus in tutum redditur in commotionibus ceteris publici juris inter parochianos attentatis. In Ordine Operationis CO (§ 48.) possibilis redditur constitutio hujusmodi commissionum et in Statutis (§ X) approbatis item conceduntur eidem conventus in dimensione majore imo et dioecesana; comitatus culturales CO coadunati basim efficient ulterioris organisafionis catholicae. Adveniente et praesente Adm. Rev. Dom. Vicario foraneo omni opera satagatur consilium hoc ad effectum deducere. De actis et de ejusdem resolutione relatio via Adm. Rev. Dom. Vicarii foranei ad Curiam mittatur. Suboticae, die 3. januarii a. 1940. In Libro principali in pagina summarii sexta sub titulo „Memoriale" pro memoria consignabuntur negotia, quae extra Diarium et mensas peculii ecclesiastici numerantur, pertinent tamen ad OP; ut in confectione ejusdem necessariae summae praesto habeantur, ex rationibus annuis Institutorum Catholicorum OP secundum conspectus praeparentur sequentes titulos; I. Procuratio Oeconomici Consilii; II. Taxarum Partitio stolarium; III. Summae pro Caritate catholica per annum; IV. Consortia Operum catholica; V. Commercium Aerarii ecclesiastici. Additamenta ad finem anni in concinnando „Memoriali" adhibenda erunt. Suboticae, die 4 januarii a. 1940. Nr. 100. Themata theolo gica pro Coronis Nr. 110. Data statistica matricularum. Nr. 70. Visitatio synodalis. Nr. 80. Comitatus culturales CO. Nr. 120. ' Memoriale Libri principalis.
