Bács megyei püspöki körlevelek, 1940
Nr. 5310. Protocollum Consilii a Vigilantia.- 25 — VIII. Protocollum Consilii a Vigilantia. Consilium a Vigilantia die 11. novembris 1940. signavit sequens protocollum: Aderant sessioni: 111. ac Revmus Dom. Blasius Rajié, Vicarius Generalis, Revmus D. Leonardus Hegedűs, Camerarius S. S. parochus, Vicarius foraneus, Revmus D. Franciscus Tamás, Consultor consistorialis, parochus, Vicarius foraneus, Revmus D. Franciscus Svraka, Consultor consistorialis, Vicarius foraneus, parochus, Revmus D. Antonius Skenderović, Camerarius S. S. Consultor consistorialis, parochus, Adm. R. D. Paulus Bešlić, in munere promotoris justitiae et Franciscus Bertron actuarius. Revmus D. Leonardus Hegedűs cum oratione initium facit consultationi, quae in ordine duodecima est. Promotor justitiae Paulus Bešlić praelegit suam generalem relationem ex singulis relationibus parochorum de statu religioso et morali fidelium compositam. /. De fide et cultu divino. In rebus religiosis magnus indifferentismus deprehenditur; sectae in anno praeterito nullum progressum fecerunt; apostasiae in favorem religionis graeco-orientalis factae sunt, causa mutationis religionis erat semper matrimonium; libri contra religionem leguntur. II. De populo fideli. Actus vitae religiosae magis ex consuetudine, quam ex interiore persuasione eveniunt; auditio Missae negligitur et opera servilia etiam diebus dominicis absolvuntur; peccata contra matrimonium continuantur. III. De commotionibus socialibus. Societates catholicae illic prosperant, ubi proprias domus habent; communistae et socia- listae publice et aperte non agitant contra Ecclesiam, omnes tamen novum ordinem in vita sociali exspectant. IV. De relatione officii parochialis ad jurisdictiones publicas. Relatio officialis inter Ecclesiam et potestates publicas respondet circumstantiis; dolen- dum est, quod partes a magistratu civili etiam festis et Dominicis citantur et hac agendi ratione fideles impediuntur, quominus suis obligationibus religiosis satisfaciant; ministri ecclesiae in nonnullis locis difficulter accipiunt sua salaria a magistratu civili. V. De religiosa eruditione juventutis. Juxta relstionem parochorum catechizatio puerorum in scholis elementaribus rite perficitur; prima communio sollemniter peragitur; absoluta instructione scholari nexus puerorum cum sacerdotibus dissolvitur et incipiunt nocturnae vagationes, saltationes et frequentationes cauponae. Propositum: Quoad baptizationem Judaeorum Consilium a Vigilantia humillime rogat Ordinarium, ut determinet tempus praeparationis, ne sine sufficienti instructione baptizentur. In conversione Judaeorum tempus catechumenorum spatium saltem unius mensis statuitur, quo tempore catechumeni diebus dominicis et festivis Sacris propalam adstare, Catechismum saltem elementarem addiscere et suum statum liberum statim ostendere debent. Leonardus Hegedűs Franciscus Bertron praeses actuarius Ratihabetur Suboticae, die 12. novembris a. 1940. Budanović, episcopus. Rev. Dom. Franciscus Léh, professor religionis in Novi Vrbas die 7. sept. 1940. anno vitae suae 42. et sacerdotii 18. in Filipovo supremum diem obiit, quod dolenter notum facientes animam sacerdotis nostri ad omnia utilis consvetis ad aram precibus commendamus. Suboticae, die 8. septembris a. 1940. Rev. Dom. Jacobus Busch, cooperator in Odžaci die 13. nov. 1940. anno vitae suae 31. et sacerdotii 7. morti occubuit; qui fuit scriptor folii juvenibus destinati strenuus, pro requie animae suae tria piacularia Sacra accipiat. Suboticae, die 15. novembris a. 1940. Adm. Rev. Dom. Julius Bárány, die 17. nov. 1940. vitae suae 77. et sacerdotii 54. mortuus est; quod moesto corde significantes, rogamus fratres nostros comministrantes, ut in subsidium animae sacerdotis vita functi, tribus vicibus coelestem hostiam offerendo succurramus. Suboticae, die 17. novembris a. 1940. 1 Nr. 5312. Obitus Francisci Léh. Nr. 5315. Obitus Jacobi Busah. Nr. 5316. Obitus Julii Báráay.
