Bács megyei püspöki körlevelek, 1938
2 Anno currenti diebus 25—30 maji celebrabitur universalis congressus Eucharisticus, ad quem peregrinatio solemnis ex toto mundo adornabitur. Ad coordinationem ejusdem in dioecesi nostra promovendam in gremio nostro commissio dioecesana constituta est, cujus sodales sunt: praesidente Rev. D. Francisco Raible Adm. Rev. D. D. Paulus Bešlić, Matthias Kör- möczy, Michael Haltmayer. Hujus commissionis erit nexum servare cum generali Comitatu regni nostri, cujus praesidens Exc. D. Jose- phus Srebrnić, episcopus Vegliensis electus est. Cunctam coordinationem externam negotium „Putnik“ conduxit et procurabit etiam facultatem transeundi et elocandi; idem negotium jam in ephemeridibus publicavit conditiones, quae Congressum adituros obligant. Pro singu- lisdistrictibus commissio specialis, praeside Vicario foraneo, constituatur. Clerus studeat negotio „Putnik“ adjumentum adferre, fideles suos conscribendo et eosdem notificando negotio Putnik in Subotica, Sombor et Novi Sad, ubi iam nomen dari potest pro itinere per speciales pagellas (prijavnice), alioquin ulteriores dispositiones quoad singula exspectandae sunt ab eodem negotio; idem notum faciet ordinem vectus ferreae viae. Omnibus sacerdotibus facultas Congressum adeundi, domi manentibus vero juxta indigentias locorum facultas binandi praesentibus conceditur; si qui ad speciales litteras passua- les acquirendas scriptam licentiam habere desiderat, pro eadem ad Curiam Nostram se convertat. Prohibetur tamen, quominus nostri sacerdotes se adjungant processibus, qui ab agentibus nationum separatim organizantur; sacerdotibus nostris cooperatio et commeatus cum iisdem vetatur et sacerdotes iisdem adjungi volentes sibi itinerationem vetitam esse noverint; fideles esse videamur dioecesis unius omnes, ne autem jam in itinere ad Congressum secundum linguarum diversitatem separate ducti appareamus. Suboticae, die 25. januarii a. 1938. Lex jejunii et abstinentiae in quibusdam differt a lege CJC. et indulgentiae a Sancta Sede impertitae in Litt. Circularibus a. 1933. publicatae sunt; indulgentiae hae pro anno currenti 1938. perdurant secundum mentem in usu huc usque valentem; cum anno curr. Ordinarius Romam ad limina profecturus est, novae indulgentiae juxta consilium Coetus Consultorum exposcentur. Suboticae, die 28. januarii a. 1938. De modo Aerarium ecclesiasticum constituendi et regendi in Litt. Cire, anni praeteriti sub nro 5563 actum est; quidam speciales ordines de eodem inveniuntur in pagellis Tabulae et Partitionis et hic breviter repetuntur. Communitas catholica CO ejusque Oeconomicum Consilium OC eundem usum communicandi habeant cum Diario OP uti OP ad OR. Quovis mense numeratio solius aeris parati fiat; quovis mense tertio vero conspectus operationis secundum partes exhibeatur; differentia perceptionum et erogationum tanquam aes paratum quovis mense in Diario OP conscribatur et in Aerario ecclesiastico recondatur. Hinc non infertur summa totalis, sed solum pecunia ex differentia acceptorum et expensorum remansa; Oeconomicum Consilium debet etiam alio tempore sufficientiam suam Aerario tradere, et quovis tempore potest sua repetere. In Tena novum Diarium pro Communitatibus catholicis DOC exaratum petatur et totus usus inter OP et Oeconomicum Consilium in duabus columnis ejusdem „ab OC ad OP“ et „ab OP ad OC“ transagatur eodem modo, qui inter OP et OR viget. Administratio oeconomica Communitatis catholicae separatim in campo proprio usque adhuc usitato ulterius quoque continuetur; in rationibus vero adhibeantur Diarium et ceterae pagellae typis impressae, quae in Tena praenumerari possunt; tendentia textus impressi in eo concluditur, ut rationes simili modo conficiantur prouti hoc in OP notum est: per Diarium, quattuor Computos, A, B, C, D,; horum distinctio in pagellis Praelimi- nationis (Proračun III.) et Revisionis (Obračun VI) invenitur. Suboticae, die 15. januarii a. 1938. His Litteris Circularibus adnexae sunt pagellae Tabularum mensilium, quae anno praeterito sub Nro 5563. in Litt. Cire, insinuatae a negotio Tena typis datae et a. 1938. omnino adhibendae sunt. In his Tabulis lineae 3 inferantur accepta „ex diversis" simul et expensa „ad diversa" pro fisco mensae A): ceterae P/nes et E/nes. His pagellis complendis inserviet conspectus de divisione stolarium proventuum, quos omnes fungentes participant. Pc. 246. CB praescribit etenim, ut proventus stolares per menses saltem ad finem eorum distribuantur inter fungentes, qui pagellis his sua nomina subsignare debent et manuscripto suo receptionem taxarum affirmabunt. Exactior modus conspectum hunc exarandi invenitur in pagina posteriori ejusdem formularis descriptus. Suboticae die 15. januarii a. 1938, Ludovicus Budanović Episcopus, Apostolicus Bačiensis Administrator. De Aerario ecclesiastico. Nr. 538. Nr. 542. De partitione stolarium proventuum. Nr. 533. Indulgentiae in lege jejunii pro anno currenti perdurant. Congressus Eucharisticus XXXIV. Budapestini a. 1938 celebrabitur. Nr. 540.
