Bács megyei püspöki körlevelek, 1938
27 VIII. Nr. 5800. Litterae S. Congr. Consist. de relatione Ordinarii. SACRA CONGREGATIO CONSISTORIALIS Romae Prot. N. 323/38. 22 Octobris 1938. Exc. me ac Rev. me Domine, In relatione super statu istius Administra- tionis Apostolicae libenter adnotavit S. Congregatio pastoralem curam Exc. V. Revmae, qua fides populi integra asservaretur moresque meliores evaderent. Adnotata etiam tua sollicitudo pro Synodo dioecesana celebranda, cuius exemplar, typis editum ac relationi adnexum, pergrate acceptum est. Firmam fovet spem S. Congregatio fore ut progressus religiosus fidelium in dies augeatur. Qua de re velit Exc. Vestra parochis iterum commendare, ut instent peculiari modo puerorum catecheticae institutioni: talis enim futura societas, qualis nunc tenera fingitur iu- ventus. Deinde curent praedicationem verbi Dei, etiam sub forma sacrarum missionum, eo frequentius quo major urget necessitas ignorantiam religiosam depellendi et mentes fidelium ab erroribus qui imminent praecavendi. Foveant denique praxim Communionis frequentis, qua vita christiana potissimum alitur. Promovere tandem satagas frequenter secessus spirituales sacerdotum, in quibus opportuna succurrit occasio eisdem inculcandi rectam suorum officiorum observantiam. Quibus, pro meo munere, significatis, fausta cuncta adprecor atque obsequenti animo me profiteor Excellentiae Vestrae Revmae uti fr. S. R. E. Card. Rossi m. p. a Secr. SACRA RITUUM CONGREGATIO Num. Prot. B. 60/938 R.-mus D,-nus Ordinarius Administrationis Ap. Bačiensis a Sanctissimo Domino Nostro Pio Papa XI humillime efflagitavit, ut in singulis Ecclesiis Parochialibus, seu quasi-parochialibus, suae Dioeceseos liceat bis in hebdomada Missas cum cantu vel lectas de Requie celebrare. Sacra porro Rituum Congregatio, utendo facultatibus sibi specialiter ab ipso Sanctissimo Domino Nostro tributis, ita precibus annuit, ut in memoratis Ecclesiis unica Missa de Requie pro quolibet defuncto cum cantu, vel lecta, quando Missa cum cantu, iusta de causa, cantari nequeat, bis in hebdomada celebrari possit; dummodo in utroque casu non occurrat aliquod Festum duplex primae vel secundae classis, aut Festum de praecepto etiam suppresso, nec non Feria vel Vigilia aut Octava, quae sint ex privilegiatis, et praedictae Ecclesiae alio simili privilegio non gaudeant; servatis de cetero Rubricis. Praesenti Induito ad proximum tantum quinquennium valituro. Contrariis non obstantibus quibuscumque. Die 16. nov. 1938. A. Carinci, S. R. C. Secr. Adm. Rev. D. Ferdinandus Dallmann, parochus B. Novoseloensis, anno vitae suae 64.' et sacerdotii 40. die 20. nov. a. c. mortuus et parochianis suis moeste condolentibus sepultus, precibus ad altare consuetis commendatur, ut sacerdos Christi, cujus patientia morbo longo probata est, per preces fratrum suorum misericordiam Dei consequi mereatur. Suboticae, die 1. decembris a. 1938. Tria subsequentia parochialia beneficia: Vajska, Stara Moravica et Nadrljan, cum vacua facta sint, hisce concursus ad eadem acquirenda usque ad d. 20. octobris a. c. indicitur, eo ut eadem adipisci cupientes ad Ordinarium a- nimum suum aperire velint. Suboticae, die 8. octobris a. 1938. Parochia Bačko Novoselo morte parochi vacans facta, usque ad 31. dec. nemini conferetur ea de causa, ut beneficium hoc acquirere cupientes desiderium suum Ordinario notificare velint. Suboticae, die 10. decembris a. 1938. Nr. 6100. Indultum circa Missa* de Requie. Nr. 6161. Dbitus Ferdinandi Dallmann. Nr. 6162. Concursus pro parochia B. Novoselo Nr. 4919. Concursus pro parochiis: Vajska, St,- Moravica, Nadrljan.
