Bács megyei püspöki körlevelek, 1938
8 D) Favores spirituales tantum sodalibus concessi ante diem 1. április 1933. adscriptis. I. Facultas (dummodo adscriptus ad sacra- mentales confessiones audiendas sit approbatus) benedicendi, extra Urbem, unico Crucis signo, coronas, rosaria, cruces, crucifixos, numismata et parvas statuas cum applicatione Indulgentiarum Apostolicarum. II. Facultas, ut supra, benedicendi, unico Crucis signo, coronas iuxta typum rosariorum B. M. V. confectas, cum applicatione indulgentiarum, quae a PP. Crucigeris nomen habent. III. Facultas, ut supra, benedicendi coronas Septem Dolorum B. M V. cum applicatione omnium et singularum Indulgentiarum, quas Summi Pontifices eiusmodi coronis impertiti sunt. IV. Facultas, ut supra, benedicendi, unico Crucis signo, crucifixos cum applicatione indulgentiarum pii exercitii a Via Crucis nuncupati in favorem fidelium, qui quominus sacras visitent „Stationes” legitime impediuntur. V. Facultas, ut supra, benedicendi, unico Crucis signo, crucifixos, iisdemque applicandi plenariam indulgentiam in articulo mortis ab iis acquirendam, qui praescriptis expletis conditionibus, illos osculati fuerint aut saltem aliquo modo tetigerint. VI. Indultum personale Altaris privilegiati, quater in qualibet hebdomada, dummodo simile indultum pro alia die obtentum non fuerit. * Suboticae, die 10. április a. 1938. Nexu supralaudatorum statutorum et ex rescripto Congregationis de Propaganda Fide, ut superius pro fidelibus in omni parochia, pro sacerdotibus vero in dioecesi utraque associatio erigitur easque ad normam can. 708. rite constitutas esse praesentibus declaramus. Moderator Operum missionalium constitutus est Rss. D. Stephanus Tumbas, dr. juris can. Camerarius S. S. et parochus cum sede operis in Bač, eique adsciscuntur Consiliarii: Adm. Rev. D. Josephus Kaić, parochus in Selenča ei P. Gaudentius Kujundžić 0. F. M. praesidens Monasterii Franciscani in Bač ex consensu Superioris proprii; munus utriusqueex alternativa concordia componatur; Moderatoris erit quotannis relationem suam Coetui Consultorum proponere. Cultu quo par est, rogatur, ut Adm. Rev. Vicarii foranei occasione Coronarum distric- tualium symbolas a sacerdotibus districtus proprii oblatas colligere, connolatis nominibus sodalium sacerdotum, parochi vero oblata fidelium directe ad Moderatorem in Bač, adjecto numero sodalium fidelium mittere non dedignentur. Moderator vero accepta summatim ad Officium Rationum ulterius procedendi causa referet. Pro symbolis acceptantur dona cujusvis oblationis, rogantur tamen sodales, ut Adm. Rev. Parochi per annum 36 Den. Rev. DD. Cooperatores 24 Den. et fideles 12 Denarios saltem solvere velint. Symbolae vero quae in Pc. 410, a) praescribuntur, item directe in Bač mittantur; apocha vero postalis rationibus mA 76) adponatur. Acta per conspectum in Litteris Circularibus publicatum quietantur. Ludovicus Budanović Episcopus, Apostolicus Bačiensis Administrator.
