Bács megyei püspöki körlevelek, 1937
~ 5 Nr. 1900. Euch. Congressus in St. Bečej Nr. 1600. Officium et Missa beati Nicolai Tavilić. III. Eucharisticus Congressus, Bačiensis tertius, ■in Stari Bečej festo Assumptionis B. M. V. die 15. aug. a. 1937. habebitur et ad eum celebrandum omnes et singuli sacerdotes fidelesque Bači- enses praesentibus humanissime invitantur; ordo particularis cuivis officio parochiali suo tempore dimittetur. Officia parochialia rogantur, ut diem ordinemque Congressus parochianos suos quam prius edoceant eosque exhortentur, ut manifestationi huic religiosae apparere studeant; omnes vero dignitates et honores eisdemque decoratos sacerdotes solemniis adesse libentissime videbimus. Ipso die et hora processionis in omni ecclesia parochiali et vicariali sermo habeatur temporibus, qui nunc sunt, congruens cum indice: ..Domine, ad quem ibimus, verba vitae aeternae habes“ (Jo. 6. 69 ); dein coram Sanctissimo exposto Litaniae de SS. Corde Jesu celebrentur et interim per horam integram campanis pulsetur. Sacerdotibus domi remanentibus pro indigentiis locorum facultas binandi conceditur. Ex facultate a Sancta Sede Apostolica accepta, omnibus qui unam alteramve ecclesiam in Stari Bečej visitaverint, sub suetis conditionibus indulgentiam plenariam impertimur. Ex intimis in voto habemus, ut invitatio haec Nostra humanissima cordibus fidelium prompte recipiatur eaque ad amorem Dei nostri sub speciebus latentis excitet; et per amoenam regionem Bačiensem grato animo resonet: „Venite, adoremus", et „jubilemus Deo, salutari nostro!" Suboticae, die 15. junii a. 1937. Sacra Congregatio Rituum Z /1937. — Ordi- nariatus Archidioeceseos Zagrebiensis. R. P. D. Antonius Bauer, Archiepiscopus Zagrebiensis necnon Coetus Episcoporum Regni Jugoslaviae Praeses Sanctissimo Domino Nostro Pio Papae XI. humillime exposuit per Decretum Sacrae Rituum Congregationis diei 6. Junii 1889. cultum publicum et ecclesiasticum Beati Nicolai Tavilei (Tavilić) de Sibenico, Ordinis Fratrum Minorum, qui die 14. Novembris 1391. pro Fide a mohametanis Hierosolymis martyrio affectus fuit, apostolica auctoritate a Leone Pp. XIII. confirmatum fuisse. Post cultus confirmationem festum cum Officio et Missa propriis de eodem Beato dioecesi Sibenicensi in qua ipse ortum habuerat sub ritu duplici maiori concessum fuit, et dein Decreto Sacrae Rituum Congregationis diei 20. Augusti 1936, idem festum, sub eodem ritu, Officio et Missa, ad territorium Administra- tionis Apostolicae iam Jadrensis, Dioecesi Sibenicensi adiectae, extensum fuit. Quum vero in votis omnium sit ut cultus huius Beati, Slavo- niae Gentis decoris magis magisque in dies augeatur, praesertim ut fideles in Fide catholica firmentur et ad eius strenuam defensionem semper excitentur. Archiepiscopus Zagrebiensis, nomine quoque Episcoporum sodalium Jugoslaviae ab eodem Sanctissimo Domino Nostro instanter imploravit ut festum Beati Nicolai Tavilei Martyris ad omnes Regni Jugoslaviae Dioeceses pro die eius natali, nempe decima quarta Novembris, cum Officio et Missa propriis, pro Dioecesi Sibenicensi et Administratione Apostolica iam Jadrensi approbatis, sub ritu tamen duplici minori extendatur, cum commemoratione Š. Josa- phat Episcopi et Martyris, necnon cum facultate celebrandi eiusdem Beati Nicolai solemnitatem externam vel Dominica quae incidat in ipsam diem 14. Novembris vel Dominica proximiori. Petierunt denique praedicti Praesules Oratores ut in textu Officii et Missae in honorem Beati Nicolai Tavilei Marlyris, pro dioecesi Sibenicensi et Administratione Apostolica iam Jadrensi approbatae, sextae lectioni haec verba addantur: „Et Pius Papa XI. anno millesimo nongentesimo trigesimo septimo, ad omnes Regni Jugoslaviae Dioeceses Festum eiusdem Beati cum Officio et Missa approbatis benigne extendit". Sanctitas porro Sua has preces Coetus Episcoporum Regni Jugoslaviae Dioecesium ab Archiepiscopo Zagrebiensi porrectas et ab in- frascripto Cardinali Sacrae Rituum Congregationi Praefecto relata peramanter excipiens, benigne in omnibus pro gratia annuere dignata est iuxta preces, servatis Rubricis et Decretis. Contrariis non obstantibus quibuscunque. Suboticae, die 10. Martii a. 1937. L. S. A. Carinci m. p. C. Card. Laurenti m. p. S. R. C. Secretarius S. R. C. Praefectus.
