Bács megyei püspöki körlevelek, 1936
1 Nr. 1. Vota Ordinarii ad novum annum. Nr. 778. Litterae Card. Secretarii Stetus. Festo Octavae Nativitatis Domini sacerdotium gremiale in aedibus Administraturae congregatum apud Excellentissimum Ordinarium gaudiis novi anni congratulabatur. Tam tenor salutationis, quam actio gratiarum curam circa agenda synodi instruendae repercutiebant. Synodus cooperante quidem toto clero dioecesano adornabitur, sed sacerdotio gremiali speciatim officium gratum incumbet, patres synodales totius dioecesis repraesentantes exspectandi, salutandi et hospitio recipiendi; idem sacerdotium humanissime invitat comministros muneris ejusdem dioecesis, ut eos confratres ceu filios matris communis in urbe sua dilecta pro tempore brevissimo amplecti et ad foedus amicitiae adsci- scere possit. Omnes praesentes vota grate excipientes et bona spe totius cleri annuentis et oneri collaborandi assumendo et operi consentiunt: dioecesim Bačiensem excolendi. Suboticae, die 1 januarii a. 1936. SEGRETERIA DI STATO n. o (; ... DAL VATICANO. L)i i>va bantita No j52945. 15- februarii 1936. Exc. me ac Rev. me Domine, Praeclarum observantiae testimonium, scilicet Petrianam stipem (din. 40 000) in ditione tua corrogatam atque ad Apostolicum istum Nuntium missam, Augustus Pontifex maxima accepit cum benevolentia. In eo enim Beatissimus Pater novum ac peculiare argumentum perspexit devoti arden- tisque studii quo, te quidem in exemplum prae- eunte et hortante, clerus fidelesque lui Aposto- licae Sedis necessitatibus, acerbitate temporum magnopere auctis, opitulari contendunt. Tibi igitur, necnon piis oblatoribus, plurimas grates ex animo persolvens, Sanctitas Sua f.liorum dilectionem pari caritate remetitur, et omnibus a Deo effusa munera exoptat, atque Apostolicam Benedictionem peramanter in Domino impertitur. Haec dum tibi libenter refero, sensus existimationis maximae erga te meae confirmo, ac me profiteri gaudeo Excellentiae Tuae addictissimum Exc. mo ac Rev. mo Domino E. Card. Pacelli. Dno Ludovico Budanovič Episcopopo tit. Cisamensi, Administratori Apostolico Bačiensi. 1. » Quaestiones ad normam can. 131. a clero dioecesano solvendae pro anno 1936. I. Pro clericis non beneficiariis. 1. Cum regio nostra dioecesana hoc anno synodum dioecesanam sit celebratura, magnae utilitatis erit, de synodis provincialibus genuinum sensum habere; et hinc pro semestri I. exaretur et in coronis pertractetur: a) quaenam sit competentia et utilitas synodi dioecesanae secundum praescripta ss. canonum; b) quaenam historia synodorum in nostra regione habitarum et necessitas et effectus synodi Bačiensis sperandus; c) quid agendum sit, ut fideles in eventu hoc magni momenti interessé sentiant et partem suam habeant? 2. Clerus pastoralis Bačiensis munus suum exercet in regione, quae in publica sua relatione nomen speciale „Bačiense“ habet, provincia ecclesiastica semper nomine „Arhiepisco- patus Colocensis et Bačiensis’' decorata fuit, addiscatur et in conferendis disseratur, in quonam sensu hoc nomen huc usque usitatum, quomodo elapsis temporibus momentum ejus historicum repressum sit, quod privatum studium conferri possit, ut auctoritas antiqua hujus regionis servetur et ad effectum deducatur, ideo pro semestri II. ad instar theseos elucubrandae sunt quaestiones ac datis et factis historicis demonstrentur: a) quidnam ecclesiae Bačiensi contulerint S Stephanus et S. Ladislaus; b) quidnam eadem sui proprii juris per saecula habuerit; c) quomodo duae ecclesiae proprio nomine separatim distingui possint? II. Parochi et ceteri rectores ecclesiarum pro semestri I. historiam parochiae propriae, modo in Libris parochialibus (H) §. 1—10. praescripto, continuent et pro semestri II. ordinem praedicandi pro anno 1937. explicent et objecta concionum proponant. Suboticae, die 15. januarii a, 1936. Nr. 100. Quaestiones solvedee pro a. 1936.
