Bács megyei püspöki körlevelek, 1935
- 18 Adm. Rév. D. Petrus Weinert, vicarius foraneus, notas facit positiones singulas Repar- titionis Onerum et ad indigentias ejusdem tegendas ratio anni prioris retinetur, qua ex proventibus cassae A) 10 % numerantur. Servato censu seminaristico a Communitatibus catholicis per singulos Denarios solvendo, rogat, quod et Ordinarius approbavit, ut sacerdotes etiam a censu seminaristico solvendo relevarentur. Ut vero indigentiis RO provideatur et ut etiam pro indigentiis UCS-ae requisitae symbolae suppleantur sine oneribus clero imponendis stabili modo, proponit, ut proventibus fundationum quoque tributum imponatur sic dictum „cathedraticum “. Ratio postulati in eo probatur, quod fundationes piae, quamvis proprietates singulorum fidelium, hucusque a parocho gratis administrantur, quamobrem dignum esse videtur, ut loco sacerdotum oneri communi quidpiam conferant. Hoc modo omnes proventus ecclesiae praeter missarum fundatarum stipendia, oneranda veniunt per 10% annuorum omnium perceptionum ratione oneris, non vero ratione participationis fructus puri ad indigentias RO et UCS, si quid vero forte rationibus RO vel UCS exinde defecerit, nomine Synodi a Coetu Consultorum ad singulos casus quotannis separa- tim decernendum erit. Propositio haec inde ab anno 1937. valitura a Coetu Consultorum undecunque discussa ad Synodum per statutum sequens referetur: De piis fundationibus §. I. c): Omnibus fundationibus praeter missarum fundatarum stipendia et subjectis proventuum ad mensam C) administratis in ipso actu fundationis imponitur onus decimam partem reddituum suorum in bonum Dioecesis conferendi (Can. 1506.); anno legis hujus latae fundationes prioris temporis ad hoc munus exsequendum ex peculio ecclesiae A) parochialis decima parte capitalium auctae sunt; quo in casu, si foret ut tempore cathedraticum hoc exstinguatur, ad peculium ecclesiae A) redundat jus participationis. Quae Nobis praesidentibus pertractata Suboticae, die 14. novembris a. 1935. 3. Projecta pro statutis in relatione singulorum membrorum Coetus Consultorum, deliberantur praesertim: Rss. D. Leonardus Hegedűs proponit statuta de ministris ecclesiae, quae acceptata in in AABAe sub numero LXVIII inseruntur. Rss. D. Antonius Skenderović Cam. S. S. proponit novos ordines de parochis agentes, qui in AABAe sub nro LXIX. publicabuntur, Adm. Rev. D. Franciscus Šuraka Vic. foran. nova Statuta bona ecclesiae parochialis administrandi profert eo cum fine, ut in Actis ABAe sub nro LXX. typis data a Clero quo prius cognosci possint. Clerus Hon. vero rogatur, ut suas propositiones quoad textum vel ejusdem meritum Commissioni districtuali B. Topolaensi notas facere libenter velit. 4. De Catechismo refert A. R. D. Antonius Vojnić Tunić: Duae propositiones pro catechismo oblatae sunt, quarum una minorem textum habet; Coetus Consultorum ad ultimam redac- tionem textus procurandam commissionem elegit, cujus sodales erunt: A. R. R. D. D, Carolus Raile, dr. Elemerius Koráni et Joannes Nuspl. 5. Pertractabantur quaedam proposita, quae ad Coetum Consultorum advenerunt; nominatim: Comitatus Congruae Cooperatorum rogat, ut Coetus Consultorum procuret, quomodo proventus Cc. augeantur; optandum est, ut communitates catholicae ad nummum Cc .augendum ex oblationibus fidelium solarium quoddan solvant et proventus omnium stationum capellanialium, quamvis non plenarum, 30% stolaris taxae, ad Cc. convertantur; numerus participantium etenim infra duos annos duplicabitur. Propositio deliberationi Coronarum commendatur. Ordinarius annuit, ut Vicarii foranei concedere possent confessariis extraneis, qui occasione Coronarum invitati adstiterint, facultatem confessiones cleri fideliumque audiendi. Honorabili Clero commendatur cura, quomodo fieri possit, ut Synodo dioecesanae etiam fideles quam majore numero, invitatis communitatibus et institutionibus catholicis ex regione totius Bačiensis Dioecesis adstent. approbantur et exsecutioni mandantur. Ludovicus Budanović Episcopus, Apostolicus Bačiensis Administrator.
