Bács megyei püspöki körlevelek, 1934
1 Nr. 1. Vota Ordinarii ad novum annum. Nr. 100. Rescriptum Exc. D. Nuntii de Sodalitio Christianae Doctrinae I. Sacerdotes Suboticaenses festo Circumcisionis D. N. coram Ordinario in aedibus parochiae s. Teresiae apparuerunt elucescente Novo Anno vota sua et totius cleri interpretaturi. Quae ex utraque parte declarata signa communia sunt concordiae, quae in sensibus et actis totius cleri Bačiensis praevalet quam et servare et affirmare unanimi sensu omnes exoptant. Unum est omnium votum: collaborare ut valor moralis sacerdotii elevetur, operatio institutionum ecclesiasticarum efficacior fiat. Ordinarius instantissime commendat, ut clerus con- fraternitatibus et sodalitiis catholicis elatam actionem inferre satagat. Pro comministris suis anno nascente Dei benedictionem adprecatur. Suboticae, die 1. januarii a. 1934. Excellentissimus Dominus D. Hermene- gildus Pellegrinetti, Archiepiscopus Adanensis, Nuntius Apostolicus, ddto 4. nov. a 1933 sub nro 15235. Ordinario ABAe sequens rescriptum mittere dignatus est: „Excellentissime Domine, — S. Concilii Congregatio ex relationibus Ordinariorum in Regno Jugoslaviae iurisdictionem habentibus com- perit quam laudabili ardore opera navetur, ut christiana institutio efficaciter omnibus, maxime vero adulescentibus, tradatur: in quem finem fere ubique sodalitium Christianae Doctrinae conditur et promovetur: quod certo magno erit adiumento clero, qui, ob varias adversas temporum condiciones, numero nimium imminutus impar est tanto labori solus ferendo. Sacra Congregatio sollicitam Ordinariorum curam laudat atque sperat fore ut sodalitium Christianae Doctrinae omnibus in dioecesibus floreat atque voluntarii, etiam laici, catechetae, parochum adiuvent in religiosa puerorum institutione. “ — Confraternitas Doctrinae Christianae pro ABA in Coetu Consultorum Suboticae die 10. nov. absoluto condita est ejusque statuta AABAe sub nro. XLVIII. inserta inveniuntur. Nunc vero ejusdem Confraternitatis promotio juxta practi- cam moderandi rationem urgetur, sicuti in AABAe praescribitur. Suboticae, die 15. januarii a. 1934. 1. Ad Visitationes Canonicas praeparandas adhuc duae relationes requiruntur, quae ab iis qui parochorum vice funguntur anno currente adornari debent. Semestri I. De beneficio et bonis ecclesiasticis. In relatione hac exaranda prae oculis habendae sunt normae, quae ad Fassiones in AABAe LX. praescriptae sunt. Extractus fundu- ales de omnibus immobilibus, quorum ecclesiae interest, exarandi sunt, exemplaria a Curia Ordinarii praeparabuntur et dimittentur. Idem et officia publica agrorum adiet, ut extractus ex officio sine taxis et tymbris praestentur. Nexu hujus relationis „Fassiones immobilium “ confici debent. Omnes trinae fassiones originales esse et omnia documenta a publicis jurisdictionibus subsignari debent, neve ex uno ceterae qua copiae conficiantur. Semestri II. De instructionibus et pretiosis ac utensilibus ecclesiae inventaria parantur sicuti hoc in oeconomica inspectione Vice-Archi-Diaconali confici solet et in AABAe LI. c. 1. inveniuntur — personalibus adjunctis omissis. Formularia actorum quadrata typis edenda Tena procurabit. 2. A cooperatoribus et ceteris, qui ad Visitationem Canonicam praeparandam non obligantur, themata sequentia scriptis proponantur. Semestri I. Quomodo verificatur axioma opportune et importunecommemoratum: „Supplet Mater Ecclesia'1 et quidem: 1. quoad iurisdictionem absolvendi a peccatis; 2. quoad potestatem valide assistendi matrimoniis ineundis? Semestri II. Sempronius parochus, ut fideles solvant tributa a Communitate Catholica praescripta, praeter adhortationem etiam per in- cussionem gravis timoris insistit illos ad explendam obligationem permovere affirmando in Can. 2346. CJC. excommunicatione S. Sedi reservata affligi eos, qui bona ecclesiastica mobilia in proprios usus converterint. Quaeritur: 1. Sitne agendi modus parochi rectus? 2. Possintne et quomodo puniri fideles recusantes praestationes legitime debitas? Suboticae, die 20. januarii a. 1934. Nr. 500. Themata Theologica pro a. 1934.
