Bács megyei püspöki körlevelek, 1933
6 Nr. 1600. Congressus Eucharisticus in Odžaci. Vili. Indulgentias, quas S. R. E. Cardinales, Apostolicae Sedis Nuntii, itemque Archi- episcopi, Episcopi, Abbates vel Praelati nullius, Vicarii et Praefecti Apostoliéi in usu Pontificalium aut impertienda benedictione aliave forma usitata largiri solent. Ceteras^omnes indulgentias plenarias et partiales, aut ab Apostolica Sede directe concessas, aut ab aliis quoquo pacto concessas, concedendasque ex facultate iure ipso vel peculiari induito sibi facta, decernimus, per totum Annum Sanctum, nusquam terrarum vivis prodesse, sed tantummodo vita functis Praesentium interea auctoritate Litterarum praecipimus ac mandamus, ut, praeter indulgentias lubilaei easque, quas superius singillatim excepimus, nullae praeterea aliae uspiam, sub paena excommunicationis ipso facto incurrendae aliisque paenis arbitrio Ordinariorum infligendis, quomodocumque publicentur. Ad illud idem propositum, ad quod indulgentiarum intermissio spectat, facultates et indulta absolvendi etiam a casibus Nobis et Apostolicae Sedi reservatis, relaxandi censuras, dispensandi a vitos eademque commutandi, dispensandi praeterea ab irregularitatibus et impedimentis, cuilibet quoquo modo concessa, extra Urbem eiusque suburbium, per lubilaei Maximi decursum, suspendimus nullique suffragari publicentur. Haec tamen per exceptionem decernimus: I. Iisdem de causis, quae Nobis suaserunt ut nonnullas indulgentias integr s permanere statueremus (cfr. supra nn. VI, VII,) decernimus immutatas pariter vigere facultates, Palaestinae Lapurdique confessariis recens concessas; Pa- lestinae dicimus confessariis ab Apostolico Delegato vel per se vel per Ordinarios deputatis, itemque Lapurdensibus confessariis ab Ordinario Tarbien. et Lapurden deputatis. Idque in eorum favorem concedimus, qui sacra Palaestinae loca vel Massabiellensem specum pie inviserint; ita tamen, ut quisquis, Anno Sancto vertente, sive Romae, sive in Palestina, sive denique Lapurdi censurarum absolutionem obiinuerit, non possit iterum eodem beneficio frui, nisi ad tramitem iuris. II. Ratae sint facultates omnes per Codicem iuris canonici quovis modo concessae. III. Ratae item firmaeque sunto facultates pro foro externo ab Apostolica Sede tum Nuntiis, Internuntiis et Delegatis Apostolicis factae, tum Ordinariis locorum, Antistitibus religiosorum Ordinum atque Superioribus Religiosarum Congregationum maioribus quoquo modo in subditos suos tributae. IV Quas denique facultates S. Paeniten- tiaria Nostra impertire solet Ordinariis aut confessariis pro foro interno, easdem ne extra Urbem quidem suspendimus, sed ita ut erga eos dumtaxat paenitentes exerceantur, qui, quo tempore confessionem peragunt, iudicio Ordinarii aut confessarii nequeant sine gravi incommodo Urbem adire. Quaecumque autem his Litteris decreta continentur, ea omnia stabilia, rata, valida esse volumus et iubemus, contrariis non obstantibus quibuslibet. Earum vero exemplis aut excerptis, etiam impressis, notarii publici cuiusvis manu subscriptis ac sigill ) alicuius in ecclesiastica dignitate constituti munitis, eandem volumus haberi fidem, quae haberetur praesentibus si essent exhibitae vel ostensae. Nulli igitur liceat hanc paginam Nostrae suspensionis, declarationis, voluntatis infringere vet ei, ausu temerario, contra ire; si quis autem hoc attenlare prasumpserit, indignationem omnipotentis Dei ac beatorum Ap ustolorum Petri et Pauli se noverit incursurum. Datum Romae apud Sanctum Petrum, die tricesima mensis Ianuarii, anno Domini millesimo nongentesimo tricesimo tertio, Pontificatus Nostri undecimo. Fr. Andreas C. Friihwirth Laurentius C. Lauri Cancellarius S. R. E. Paenitentiarius Maior. Alfonsus Carinci, Protonotarius Apostolicus. Dominicus Spolverini, Protonotarius Apostolicus. Loco f Plumbi Nexu Encyclicarum Ss. Patris in regione ABAe devotiones et manifestationes sequentes coordinentur: Congressus Eucharisticus in Odžaci die 15. aug. a.c. celebrabitur sermonesque in Congressu habendi opere Christi reluceant. Programmata partialia a consilio locali ad parochias suo tempore dimittentur. Diebus 13., 14. et 15. aug. in omni parochiali ecclesia devolio trium dierum adornetur. Ante Lytanias vespere habendas in sermone fideles edoceantur, de opere redemptionis Christi et de ejus utilitatibus ad singulos et ad totum genus humanum profluentibus. Festo Assumptionis B. M. V. processio instauretur ad Montem Calvariae vel ad alium opportunum locum, praeferenda cruce quam splendidius decorata. Simulque commendentur fidelibus peregrinationes Romam et ad Sanctam Terram instauratae, quarum ordines officiis parochialibus ex ephemeridibus et nuntiis missis noti praesumuntur. Suboticae, die 28. februarii a. 1933. Ludovicus Budanović Episcopus, Apostolicus Bačiensis Administrator.
