Bács megyei püspöki körlevelek, 1933

- 14 Hum. 11145/33.

Sacra Congregatio de disciplina Sacramentorum,

susceptis precibus ab Ordinario Bačiensi rite commendatis, quibus postulabat concessionem specialium facultatum matrimonialum, habita ratione urgentiae casuum qui satis frequenter recurrunt, Eidem Ordinario infrascriptas communicat facultates quibus sive per se sive per alias idoneas ecclesiasticas personas ad hoc specialiter deputandas, uti poterit in matrimoniis contrahendis et nulliter contractis cum suis subditis ubique commorantibus et aliis omnibus in proprio territorio actu degentibus, facta in unoquoque casu expressa mentione huius apostolicae delegationis ad normam Can 1057.

1. Dispensandi iusta et rationabili ex causa super matrimonialibus impedimentis, quae in Can. 1042 recensentur, nec non super impedimentis impedimentibus de quibus in Can. 1058 ad effectum tantum matrimonium contrahendi.

2. Dispensandi ex gravi urgentique causa quoties periculum sit in mora et matrimonium nequeat differi usque dum dispensatio a Sancta Sede obtineatur super impedimentis infra recensitis:

a) consanguinitatis in secundo aut in tertio cum primo mixtis, dummodo nullum exinde scandalum aut admiratio exoriatur;

b) consanguinitatis in secundo lineae collateralis gradu:

c) affinitatis in primo lineae collaterialis gradu aequali vel mixto cum secundo;

d) publicae honestatis in primo gradu, dummodo nullum subsit dubium quod coniux esse possit proles ab altero contrahentium genita.

3. Dispensandi tempore et in actu Sacrae Pastoralis Visitationis aut Sacrarum Missionum, et non ultra, super omnibus matrimonialibus impedimentis supra memoratis cum iis qui in concubinatu vivere reperiuntur.

4. Sanandi in radice matrimonia nulliter contracta ob aliquod ex impedimentis iuris ecclesiastici maioris vel minoris gradus, exceptis iis provenientibus ex sacro Presbyteratus Ordine et affinitate in linea recta, matrimonio consummato, si magnum adsit incommodum requirendi a parte ignara nullitatis matrimonii, renovationem consensus, dummodo prior maritalis consensus perseveret, et absit periculum divortii; monita tamen parte conscia impedimenti de effectu huius sanationis, et debita facta adnotatione in libro baptizatorum et matrimoniorum.

In usu facultatum de quibus in praesenli folio prae oculis habeatur quae in Can. 1048 ad 1054 statuta reperiuntur.

Curet Ordinarius in singulis praefatis concedendis dispensationibus ut nupturientes qui pares solvendo inveniantur aequam oblationem iuxta vires persolvant in obsequium Sanctae Sedis. Idem autem Ordinarius, in fine cuiuslibet anni, referat ad hanc Sacram Congregationem de numero et specie dispensationum, quas vigore praesentis indulti Ipse fuerit elargitus et summam oblationum transmittat, salvo praescripto Canonis 1056.

Pro facultate dispensandi super impedimentis mixtae religionis et disparitatis cultus sivesingil- lalim sumptis sive cum aliis impedimentis concurrentibus, recurrendum ad Sanctum Officium.

Praesentibus duraturis usque ad annum quo ab Ordinario fieri debet proxima Relatio dioecesana, quousque nempe occasione praefatae relationis prorogationem harum facultatum petierit et obtinuerit.

Datum Romae aedibus eiusdem Sacrae Congregationis, die 24. Maii 1933.

Card Lega D. Jorio

Praefectus. Secr.

Sacra Congregatio Concilii.

N. 4606/33. Excme Dne uti frater,

Examini subiecta petitione Excellentiae Tuae diei 6. maii currentis mensis circa facultatem commutandi sacerdotibus divinum officium in alias preces heec S. Congregatio Concilii respondit: „Recurrendum esse in singulis casibus ".

Haec dum Excellentiae Tuae communico, cuncta fausta Tibi a Domino adprecor. Excellentiae Tuae Revmae uti frater

J. Card. Seraf ni J. Benna,

praefectus. Secretarius.

Excmo Domino Dno L. Budanović Episc. tit Cisamensi Adm. Ap. Bačien.

Sacra Congregatio Concilii.

N. 4607/33. Beatissime Pater,

Ordinarius Bačien, perdurantibus iisdem causis, a Sanctitate Vestra humil ter postulat ut sibi prorogetur indultum iampridem concessum per rescriptum S. Congregationis Concilii diei 7 maii 1928. circa reductionem onerum Missarum pro populo.

Sacra Congregatio Concilii, attentis expositis, petitam prorogationem, in terminis et forma praecedentis rescripti, benigne impertita est ad > liud quinquennium, excepta una Missa quolibet mense a singulis rectoribus animarum applicanda.

Datum Romae, die 23. maii 1933.

J. Card. Serafini J. Benna,

praefectus. Secretarius.

Nr. 2770.

Facultates dispensandi circa matrimonium.

Nr. 1790.

Recursus faciendus in divino Officio.

Nr. 2699.

Indultum circa M'ssas ..pro populo”.